စားသုံးသူရေးရာဦးစီးဌာန၊ ကြံခင်းမြိုနယ်တာဝန်ခံသည် မြို့နယ်စည်ပင်သာယာရေးအဖွဲ့ မြန်မာနိုင်ငံရဲတပ်ဖွဲ့တို့နှင့်ပူးပေါင်း၍ (၂၀.၁.၂၀၂၅)ရက်နေ့ နေ့လယ် (၁၃:၃၀)နာရီအချိန်တွင် ကြံခင်း မြို့မဈေး၊ ဈေးတာဝန်ခံရုံး၌ ကုန်စုံဆိုင်လုပ်ငန်းရှင်များအား စားသုံးသူကာကွယ်ရေးဆိုင်ရာ အသိပညာပေးဟောပြောခြင်းကို ဆောင်ရွက်ခဲ့ကြောင်းသိရသည်။
ထိုသို့ဆောင်ရွက်ရာတွင် မြို့နယ်တာဝန်ခံ ဦးကျော်နိုင်ဝင်းက ကုန်စုံဆိုင်လုပ်ငန်းရှင်များ အား စားသုံးသူကာကွယ်ရေးဥပဒေ အခန်း( ၁၀ ) ပုဒ်မ (၂၁)တွင် ဖော်ပြထားသော စီးပွားရေး လုပ်ငန်းရှင် ၏တာဝန်များ အခန်း(၁၈) ပုဒ်မ(၄၁)၊ (၄၂)၊ (၄၃)ပါ ကုန်အညွှန်းအမှတ် အသားဆိုင်ရာအချက်များကို ကုန်စည်ထုတ်လုပ်ရောင်းချသူ လုပ်ငန်ရှင်များနှင့် တစ်ဆင့်ပြန် လည်ရောင်းချသူလုပ်ငန်းရှင်များသိရှိ လိုက်နာကြရန် ရှင်းလင်းဆွေးနွေးခဲ့ပြီး၊ တက်ရောက်လာ သူများမှလည်းယခုကဲ့သို့စားသုံးသူကာကွယ် ရေးဥပဒေမှ စီးပွားရေးလုပ်ငန်းရှင်များ၏ တာဝန်များ နှင့် ကုန်အညွှန်းအမှတ်အသားဆိုင်ရာအချက် များအား သိရှိခွင့်ရသည့်အတွက် ကုန်စည်များ ထုတ်လုပ်ရာတွင် ကုန်အညွှန်းအမှတ်အသားများကို မဖြစ်မနေထည့်သွင်းရေးသားရမည်ကို အထူး အလေး ထားလိုက်နာသွားမည်ဖြစ်ကြောင်း၊ တစ်ဆင့် ပြန်လည်ရောင်းချသည့် ကုန်စည်များ တွင်လည်း ကုန်အညွှန်းအမှတ်အသားပြည့်စုံစွာ ပါရှိမှသာ ပြန်လည်ရောင်းချသွားမည် ဖြစ်ကြောင်း ပြန်လည်ဆွေးနွေးပြောကြားခဲ့ပြီး နေ့လယ် (၁၄:၃၀) နာရီအချိန်တွင် ရုတ်သိမ်းခဲ့ကြောင်း သတင်းရရှိပါသည်။
DOCA(ဧရာဝတီ)