ရွှေဘိုမြို့ပေါ်ရှိဈေးများတွင် ရာသီအလိုက်ပေါ်သည့်ပန်းများကို ရောင်းချလျက်ရှိရာ ဆောင်း ရာသီမှသာ လှိုင်လှိုင်ပေါ်သည့် မေမြို့ပန်း၊ ဂန္ဓာပန်းအဖြူ၊ ဂန္ဓာပန်းအဝါ၊ ရေစိုဂန္ဓာပန်းပန်းရောင် ဟူ၍ ရောင်းချလျက်ရှိပြီး၊ နေ့စဉ်စိုက်ပျိုးပြီး ထွက်ရှိသည့် ပန်းများအနေဖြင့် သပြေပန်း၊ အာဆီယံ သပြေ၊ နှင်းဆီပန်း၊ ရေမွှေးပန်း၊ ကျောက်စိမ်းပန်းများကို ရောင်းချလျက်ရှိရာ ထိုပန်းများကို အခြား မြို့များမှ သယ်ယူရောင်းချသည့်အပြင် ရွှေဘိုမြို့နှင့်အနီးတဝိုက်ရှိ ကျေးရွာများမှလည်း စိုက်ပျိုး ကြပြီး ရွှေဘိုမြို့ပေါ်သို့ လာရောက်ရောင်းချလျက်ရှိကြောင်း သိရှိရပါသည်။
၂၀၂၅ခုနှစ်၊ ဇန်နဝါရီလ (တတိယ)ပတ်တွင် ဖြစ်ပေါ်နေသော ပန်းမျိုးစုံဈေးနှုန်း အခြေအနေမှာ မေမြို့ပန်း (၁)စည်းလျှင် (၁၀၀ဝိ/-)ကျပ်၊ ဂန္ဓာပန်းအဖြူအပွင့်ကြီး (၁)စည်းလျှင် (၁၃၀ဝိ/-)ကျပ်၊ ဂန္ဓာပန်းအဖြူအပွင့် သေး(၁) စည်းလျှင် (၁၀၀ဝိ/-)ကျပ်၊ ဂန္ဓာပန်းအဝါ(၁ )စည်းလျှင် (၁၂၀ဝိ/-)ကျပ်၊ ရေစိုဂန္ဓာပန်းပန်း ရောင်(၁)စည်းလျှင် (၁၂၀ဝိ/-)ကျပ်၊ သပြေပန်း (၁)စည်းလျှင်(၅၀ဝိ/-)ကျပ်၊ အာဆီယံသပြေ(၁) စည်းလျှင် (၇၀ဝိ/-)ကျပ်၊ နှင်းဆီပန်း ပိုက်စွပ်(၁၀)ပွင့်ပါ (၁)စည်းလျှင် (၃၅၀ဝိ/-)ကျပ်၊ ရေမွှေးပန်း (၁)စည်းလျှင် (၅၀ဝိ/-)ကျပ်၊ ကျောက်စိမ်းပန်း(၅)ခက်ပါ (၁)စည်းလျှင် (၂၀၀ဝိ/-)ကျပ်ဖြင့် အရောင်း အဝယ်ဖြစ် လျက်ရှိကြောင်း သတင်းရရှိပါသည်။
DOCA(စစ်ကိုင်း)