စစ်ကိုင်းတိုင်းဒေသကြီး ၊ ကန့်ဘလူခရိုင် ကန့်ဘလူမြို့နယ်သည် လယ်ယာစိုက်ပျိုးရေး လုပ်ငန်းများကို အဓိကလုပ်ကိုင်သော ဒေသတစ်ခုဖြစ်ပြီး မိုးသီးနှံ၊ ဆောင်းသီးနှံများအပြင် သီးထပ် သီးညှပ်များလည်း စိုက်ပျိုးကြကြောင်း၊ ပြည်တွင်းစားသုံးမှုရှိသလို ပြည်ပပို့ကုန်လည်းဖြစ်သည့် ကုလားပဲသီးနှံများကိုလည်း စိုက်ပျိုးကြောင်း သိရသည်။
ကန့်ဘလူမြို့နယ်တွင် ကုလားပဲသီးနှံကို ဒီဇင်ဘာလကုန်တွင်စတင်စိုက်ပျိုးပြီး မတ်လနှင့် ဧပြီလများတွင် ရိတ်သိမ်းရကြောင်း၊ ကုလားပဲသီးနှံမျိုးမှာ ထိုင်ဝမ်မျိုး၊ (929)မျိုးနှင့် (V2)မျိုးဟူ၍ (၃)မျိုးရှိကြောင်း၊ ဈေးနှုန်းအနေဖြင့် ဇန်နဝါရီလတတိယပတ်အတွင်း ကုလားပဲထိုင်ဝမ်(၁)တင်း လျှင်(၇၇၀၀၀) ကျပ် ၊ ကုလားပဲ(929)(၁)တင်းလျှင်(၈၀၀၀၀) ကျပ်နှင့် ကုလားပဲ(V2)(၁)တင်းလျှင် (၈၃၀၀၀) ကျပ်ဖြင့် အရောင်းဝယ်ဖြစ်ခဲ့ကြောင်း၊ ယခုလစတုတ္ထပတ်တွင် ကုလားပဲထိုင်ဝမ်(၁) တင်းလျှင် (၈၀၀၀၀)ကျပ် ၊ ကုလားပဲ(929)(၁)တင်းလျှင်(၈၃၀၀၀) ကျပ်နှင့် ကုလားပဲ(V2)(၁)တင်း လျှင် (၈၇၀၀၀) ကျပ်ဖြင့်ရောင်းဝယ်လျက်ရှိပြီး ယခုပတ်တွင်ကုလားပဲထိုင်ဝမ်(၁)တင်းလျှင်(၃၀၀၀) ကျပ်၊ ကုလားပဲ(929)(၁)တင်းလျှင်(၃၀၀၀)ကျပ်နှင့် ကုလားပဲ(V2)(၁)တင်းလျှင် (၄၀၀၀)ကျပ် မြင့်တက်လာကြောင်း ဒေသတွင်း သီးနှံရောင်းဝယ်ရေး လုပ်ငန်းရှင်များထံမှ သိရသည်။
DOCA(စစ်ကိုင်း)