ကမ္ဘောဒီးယားနိုင်ငံသည် ၂၀၂၄ ခုနှစ်တွင်သဘာဝရာဘာ အစေးတင်ပို့မှုမှ ဝင်ငွေအမေရိကန် ဒေါ်လာ ၆၆၆.၂ သန်းရရှိခဲ့ပြီး ယခင်နှစ်က ရရှိခဲ့သော အမေရိကန်ဒေါ်လာ ၄၉၂ သန်းထက် ၃၅.၄ ရာခိုင်နှုန်းတိုးလာကြောင်း ကမ္ဘောဒီးယားရာဘာညွှန်ကြားရေးမှူးဦးစီးဌာနက ဇန်နဝါရီ ၂၂ ရက်နေ့က ထုတ်ပြန်ချက်အရသိရသည်။ ရာဘာစေးတစ်တန်သည် ပျမ်းမျှအားဖြင့် ၂၀၂၄ ခုနှစ်တွင် ကန်ဒေါ်လာ ၁၉၇၁ ရှိပြီး ၂၀၂၃ ခုနှစ်ကထက် ၆၃၄ ဒေါ်လာခန့်ပိုများကြောင်းရာဘာညွှန်ကြား ရေးမှူးဦးစီးဌာန ယာယီညွှန်ကြားရေးမှူးချုပ် Khun Kakada ကအစီအရင်ခံစာတွင် ဖော်ပြထားသည်။ ကမ္ဘောဒီးယား နိုင်ငံသည် မလေးရှား၊ ဗီယက်နမ်၊ စင်္ကာပူနှင့် တရုတ်နိုင်ငံသို့ကုန်ပစ္စည်းများကို အဓိကတင်ပို့သည်။ ကမ္ဘောဒီးယားနိုင်ငံသည် စုစုပေါင်းဧရိယာ ၄၂၅၄၄၃ ဟတ်တာတွင်ရာဘာပင် များကို စိုက်ပျိုးထားပြီး ၎င်းမှ ၃၃၀၂၅၉ ဟတ်တာ သို့မဟုတ် ၇၇.၆ ရာခိုင်နှုန်းသည် အစေးချရန် အတွက်လုံလောက်သော အရွယ်ရှိပြီဖြစ်ကြောင်း အစီအရင်ခံစာကဆိုသည်။
DOCA(ရန်ကုန်)