ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြောင်းမြခရိုင် မြောင်းမြမြို့နယ်တွင် ခရိုင်ဦးစီးမှူးနှင့် ဆီကိုယ်စားလှယ်များသည် (၂၃.၁.၂၀၂၅)ရက်နေ့ နေ့လယ်(၁၄:၀၀)နာရီအချိန်တွင် တိုင်းဒေသကြီးဦးစီးမှူးနှင့် တော်ဝင်ဧကရာဇ်ကုမ္ပဏီမှတာဝန်ရှိသူများနှင့် Zoom Metting ဖြင့် စားအုန်ဆီသယ်ယူရေးကိစ္စ ညှိနှိုင်းအစည်းအဝေးပြုလုပ်ဆောင်ရွက်ခဲ့ပါသည်။
ထိုသို့ညှိနှိုင်းပြုလုပ်ဆောင်ရွက်ရာတွင် တော်ဝင်ဧကရာဇ်ကုမ္ပဏီကတာဝန်ရှိသူမှ စားအုန်းဆီ သယ်ယူမှုနှင့်ပတ်သက်၍ ရှင်းလင်းဆွေးနွေးပြီး ဆီကိုယ်စားလှယ်များအားလိုအပ်သည်များကို ဆွေးနွေး ပြောကြားစေခဲ့ပါသည်။ ဆက်လက်၍ တိုင်းဒေသကြီးဦးစီးမှူးမှ လိုအပ်သည်များကိုပြောကြား၍ မြောင်းမြခရိုင်ဦးစီးမှူးမှ ဆီချနေရာတိုးမြှင့်ပေးရေးဆွေးနွေးတင်ပြခဲ့ပါသည်။ ခရိုင်များမှလည်း မိမိတို့ ခရိုင်၏အခက်အခဲများကို တင်ပြကြရာတွင် ဆီပေပါ(အပြာ)များမှားယွင်းလာမှုအပေါ် အဆင်ပြေစွာ ညှိနှိုင်းဆောင်ရွက်နိုင်ရေး ဆီပေပါ(အဝါ)များကိုသာအသုံးပြုကြရန် ဆီပေပါမှားယွင်း လာသော ခရိုင်များမှ လည်းနောင်များတွင်လည်း ပြင်ဆင်နိုင်ရန် တော်ဝင်ဧကရာဇ်ကုမ္ပဏီ အားပြောကြားခဲ့ပြီး ပေပါ အပေါက်အပြဲများပါဝင်လာလျှင် ဆီအချိန်လျော့ကြောင်း၊ ဆီကားများရောက်ချိန် နောက်ကျကြောင်း ဆွေးနွေးခဲ့ပါသည်။ ဆက်လက်၍ တော်ဝင်ဧကရာဇ်ကုမ္ပဏီမှ တာဝန်ရှိသူကလည်း ဆီကိုယ်စားလှယ်များ အား ဆီပေပါများအားသန့်ရှင်းရေးပြုလုပ်ပေးရန်နှင့် ဆေးသုတ်ရန် လိုအပ်သည်များကို ဆွေးနွေးပြီး အစည်းအဝေးကို ညနေ (၁၅:၃၀)နာရီအချိန်တွင် ရုပ်သိမ်းခဲ့ကြောင်းသိရှိရပါသည်။
DOCA(ဧရာဝတီ)