ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ ဖျာပုံမြို့နယ် ဦးစီးမှူးရုံးမှ စစ်ဆေးရေးမှူး ဦးမင်းဇော်သည်မေလ(၂၀) ရက်နေ့၊နံနက်(၀၉:၀၀)နာရီတွင် ကျုံကူကျေးရွာရှိ ကျားမင်းအမှတ်တံဆိပ် ငရုတ်ဆီလုပ်ငန်းသို့သွားရောက်၍ ဈေးကွက်မရောက်မီ ထုတ်ကုန်လုံခြုံစိတ်ချရမှုရှိစေရေးနှင့် တစ်ပိုင်တစ်နိုင် စီးပွားရေးလုပ်ငန်းများ ဖွံ့ဖြိုးတိုးတက်စေရေးအား ရည်ရွယ်၍ ကွင်းဆင်းဆောင်ရွက်ခဲ့ကြောင်း သိရသည်။
အဆိုပါ ကျားမင်းငရုတ်ဆီလုပ်ငန်းတွင် ဈေးကွက်ပို့ရန် ကုန်စည်များ စနစ်တကျ ထုပ်ပိုးမှုနှင့် ပတ်ဝန်းကျင်သန့်ရှင်းရေးဆောင်ရွက်ထားရှိမှု၊ စွန့်ပစ်ပစ္စည်းများစနစ်တကျရှိစေရေး၊အလုပ်သမားတစ်ကိုယ်သန့်ရှင်းမှုနှင့် ဝတ်စုံများအပြည့်စုံဝတ်ဆင်မှုရှိစေရေး ၊ လုပ်ငန်းရင်းနှီးမြုပ်နှံမှု၊ ယခင်နှစ်ဈေးနှုန်းဈေးကွက်၊ ထုတ်လုပ်မှု၊ ရောင်းချမှုနှင့် ယခုနှစ်ကွာဟချက်အခြေအနေများအပေါ်ဆောင်ရွက်နေမှု၊ အလုပ်သမားများအား လုပ်ခလစာပေးနေမှုနှင့် စီးပွားရေးလုပ်ငန်ဖွံ့ဖြိုးတိုးတက်မှုအခြေအနေတို့ကို ဆွေးနွေးခဲ့ပြီး စားသုံးသူကာကွယ်ရေးဥပဒေ အခန်း(၁၈)ပါ ကုန်အညွှန်းအမှတ်အသား ဖော်ပြခြင်းဆိုင်ရာ ဥပဒေပြဌာန်းချက်များအား အသိပညာပေးဆွေးနွေးခဲ့ပါသည်။
DOCA(ဧရာဝတီ)