စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရှမ်းပြည်နယ်ဦးစီးမှူးရုံးမှ ဦးခွန်ကျော်ဌေး(လက်ထောက်ညွှန်ကြားရေးမှူး) ဦးဆောင်သည့် ဝန်ထမ်းများသည်(၂၃.၅.၂၀၂၂)ရက်နေ့ ၁၃:၀၀ နာရီအချိန်တွင် တောင်ကြီးမြို့၊ ရက်ကန်းနှင့်အသက်မွေးဝမ်းပညာသင်တန်းကျောင်းသို့ သွားရောက်၍ စားသုံးသူကာကွယ်ရေးဆိုင်ရာအသိပညာပေး ဟောပြောပွဲကျင်းပပြုလုပ်ခဲ့ပါသည်။
ဟောပြောပွဲတွင် စားသုံးသူရေးရာဦးစီးဌာနမှ ဒေါ်စောနန္ဒာမြင့်(အကြီးတန်းစာရေး)က စားသုံးသူကာကွယ်ရေးဥပဒေအကြောင်းနှင့် စားသုံးသူကာကွယ်ရေးဆိုင်ရာ သိကောင်းစရာများ၊ စားသုံးသူ၏အခွင့်အရေးနှင့်တာဝန်များအကြောင်း ဟောပြောဆွေးနွေးခဲ့ရာ အခွင့်အရေးများ နစ်နာဆုံးရှုံးမှုရှိပါက ဌာန၏ website, facebook page နှင့် CICC တို့တွင် တိုင်ကြားနိုင်ကြောင်း အသိပေးဟောပြောခဲ့ပြီး သင်တန်းသား/သူများမှ သိရှိလိုသည်များကို အပြန်အလှန်ဆွေးနွေးခဲ့ကြပြီး စားသုံးသူအခွင့်အရေးဆိုင်ရာ လက်ကမ်းစာစောင်များကို ကျောင်းအုပ်ဆရာမကြီးထံသို့ ပေးအပ်ခဲ့ပါသည်။ ဟောပြောပွဲသို့ ရက်ကန်းကျောင်းမှကျောင်းအုပ်ဆရာမကြီးနှင့်တကွ သင်တန်းသား/သင်တန်းသူ (၃၀)ဦးခန့် တက်ရောက်ခဲ့ကြပြီး နေ့လည်၂:၃၀ နာရီအချိန်တွင် အခမ်းအနားပိတ်သိမ်းခဲ့ကြောင်းသိရှိရပါသည်။
(DOCA)ရှမ်း