မန္တလေးတိုင်းဒေသကြီး၊ ပြင်ဦးလွင်ခရိုင်သည် အေးမြသောရာသီဥတုရှိပြီး တောင်ပေါ်မြို့ဖြစ် သောကြောင့် ခရီးသွားဧည့်သည်များ အပန်းဖြေလည်ပတ်သူများနှင့်အမြဲမပြတ်စည်ကားလျှက်ရှိပါ သည်။လာရောက်သူများ များလာသည်နှင့်အမျှ ဒေသထွက်ကုန်ဖြစ်သော ပန်း၊ ကော်ဖီ၊ ထောပတ်၊ မက်မန်း၊နေကြာ၊ဝိုင် မျိုးစုံများအပြင် ပြင်ဦးလွင်ထွက် စတော်ဘယ်ရီသီးမှာလည်း လူကြိုက်များပြီး အရောင်းအဝယ်ဖြစ်လျှက်ရှိပါသည်။ပြင်ဦးလွင်ခရိုင်တွင် နှစ်ရှည်သီးနှံအပြင် ရာသီအလိုက်သီးနှံများ ကိုလည်းစိုက်ပျိုးပြီး စတော်ဘယ်ရီသီးနှံကိုလည်း မိရိုးဖလာအဖြစ် စိုက်ပျိုးလျှက်ရှိကြပါသည် ။ စတော်ဘယ်ရီသီးနှံကို သြဂုတ်၊စက်တင်ဘာလများတွင်စိုက်ပျိုးပြီး ဇန်နဝါရီမှဧပြီလအထိ အသီးများ ခူးဆွတ်နိုင်ပါသည်။ စိုက်စနစ်အနေဖြင့် ပင်ခြား၊တန်းခြား ဘောင်စနစ်ဖြင့် စိုက်ပျိုးပါသည်။ (၁)ဧက လျှင်အပင်ရေ(၁၅၀၀၀-၂၀၀၀၀)အထိစိုက်ပျိုးပြီး (၁)ဧက ကုန်ကျစရိတ်အနေဖြင့် ပျိုးပင်၊လုပ်သားခ၊ သွင်းအားစု၊ စုစုပေါင်း (၃၅-၄၀)သိန်းဝန်းကျင်ရှိပြီး အကျိုးအမြတ်အနေဖြင့် (၂၇-၃၀)သိန်းကျော်ရရှိ ကြောင်း၊မိုးကြိုးစံပြကျေးရွာမှ စတော်ဘယ်ရီစိုက်ပျိုးသော ကိုသားကြီး၏ ပြောကြားချက်အရ သိရှိရ ပါသည်။ ဇန်နဝါရီလဆန်းပိုင်းတွင် ထွက်ရှိသော စတော်ဘယ်ရီ ရိုးရိုး(အကြွပ်သီး) (၁)ပိဿာလျှင် (၃၀၀၀၀)ကျပ်၊ ယခုအချိန်တွင်(၂၀၀၀၀)ကျပ်ဖြင့် ရောင်းချရကြောင်း၊လှို င်လှိုင်ပေါ်ချိန်တွင် စျေးနှုန်း အနည်းငယ်ကျဆင်းနိုင်ကြောင်း ၊ ခြံစိုက်တောင်သူ နှင့် ဝယ်ယူရောင်းချသူများထံမှသိရှိရပါသည် ။ စတော်ဘယ်ရီ ချိုမွှေးသီးနှင့်ဒေသမျိုး(ဖျော်ရည်)သီးများထွက်ပေါ်ခြင်းမရှိသေးသော်လည်း မကြာမီ ထွက်ရှိမည်ဖြစ်ကြောင်း သိရှိရပါသည်။
DOCA(မန္တလေး)