စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မုံရွာခရိုင်ဦးစီးမှူးရုံး မှ ခရိုင်ဦးစီးမှူးနှင့် ဝန်ထမ်း(၃)ဦးတို့သည် မုံရွာမြို့ပေါ်ရှိ ဘိလပ်မြေလက်လီ/ လက်ကားဆိုင်များသို့ (၂၇.၁.၂၀၂၅) ရက်နေ့တွင် ဈေးကွက်အတွင်း ဘိလပ်မြေများ ပစ္စည်းပြတ်လပ်မှုရှိ/ မရှိ၊ ဈေးနှုန်းကြီးမြှင့်မှု ရှိ/ မရှိ ကွင်းဆင်းစုံစမ်းခဲ့ကြောင်း သတင်းရရှိခဲ့ပါသည်။
ထိုသို့ ကွင်းဆင်းစုံစမ်းရာတွင် မုံရွာမြို့ရှိ ဘိလပ်မြေလက်လီ/ လက်ကားအရောင်းဆိုင်များတွင် ပစ္စည်းပြတ်လတ်မှုမရှိကြောင်း ၊ ဘိလပ်မြေ ကြံ့နှစ်ကောင်(၁) အိတ်လျှင် ၂၁၀၀၀ ကျပ်၊ အပါချီ (၁) အိတ်လျှင် ၂၁၀၀၀ ကျပ် ရှိကြောင်း၊ ဈေးနှုန်းများအား ယခင်လနှင့် ယခုလနှိုင်းယှဉ်ကြည့်လျှင် ဘိလပ်မြေ(၁)အိတ်လျှင် (၁၀၀၀) ကျပ် ဈေးနှုန်းမြှင့်တက်နေကြောင်း စုံစမ်းသိရှိရပါသည်။
DOCA(စစ်ကိုင်း)