၂၈.၁.၂၀၂၅ ရက်နေ့၊ နေ့လယ်( ၁၃:၀၀) နာရီအချိန်တွင် ဧရာဝတီတိုင်းဒေသကြီး၊ ပုသိမ်-ရန်ကုန်လမ်းမကြီးဘေး၊ (၁၅) ရပ်ကွက်၊ ဒိုက်ထူကျေးရွာ၊ ပုသိမ်မြို့နယ်ရှိ ပုသိမ်ပညာရေး ဒီကရီကောလိပ်တွင် စားသုံးသူရေးရာဦးစီးဌာန၊ ဧရာဝတီတိုင်းဒေသကြီးဦးစီးမှူးရုံးမှ တာဝန်ရှိသူများက စားသုံးသူအသိပညာပေး ဟောပြောပို့ချခြင်းများဆောင်ရွက်ခဲ့ရာ ဆရာ/ ဆရာမ (၃၅)ဦး၊ ဆရာအတက်သင် ကျောင်းသား/ ကျောင်းသူ (၅၈၅)ဦးတို့ တက်ရောက်ခဲ့ကြပါတယ်။ ဟောပြော ဆွေးနွေးပွဲတွင် ပုသိမ်ပညာရေးဒီကရီကောလိပ်မှ ကျောင်းအုပ်ဆရာမကြီး ဒေါ်နုနုအေးက အဖွင့်အမှာစကားပြောကြားခြင်း၊ စားသုံးသူရေးရာဦးစီးဌာန၊ ဧရာဝတီတိုင်းဒေသကြီးဦးစီးမှူးရုံးမှ တိုင်းဒေသကြီးဦးစီးမှူးနှင့် ဦးဝင်းထွန်းက စားသုံးသူရေးရာဦးစီးဌာန၏ လုပ်ငန်းတာဝန်များအား မိတ်ဆက်စကားကြောကြားခြင်းများ ဆောင်ရွက်ခဲ့ပါသည်။ ထို့နောက် စားသုံးသူရေးရာဦးစီးဌာန၊ ဧရာဝတီတိုင်းဒေသကြီးဦးစီးမှူးရုံးမှ လက်ထောက်ညွှန်ကြားရေးမှူး၊ ဒေါက်တာသရဖီထွန်းက စားသုံးသူရေးရာဦးစီးဌာန၏ အဓိကလုပ်ငန်းတာဝန်(၃)ရပ်ဖြစ်သည့် စားသုံးသူအသိပညာပေးဆောင်ရွက်ခြင်း၊ တိုင်ကြားမှုအား လက်ခံဖြေရှင်းဆောင်ရွက်ခြင်း၊ ဈေးကွက်စောင့်ကြည့် စစ်ဆေးခြင်းများကို အကျယ်တဝင့်ရှင်းလင်းဆွေးနွေး ပြောကြားခဲ့သည့်အပြင် ဈေးကွက်စောင့်ကြည့်စစ်ဆေးခြင်း လုပ်ငန်းစဉ်များနှင့် ဆက်နွယ်နေသည့် အရေးကြီးကုန်စည်နှင့် အရေးကြီးဝန်ဆောင်မှုများအကြောင်းကို ဆွေးနွေးပြောကြားခဲ့ရာ တက်ရောက်လာသော ဆရာ/ ဆရာမ နှင့် ကျောင်းသား/ ကျောင်းသူများက တက်တက်ကြွကြွပြန်လည်ဆွေးနွေးခဲ့ကြပြီး ဟောပြောဆွေးနွေးပွဲကို နေ့လယ် (၁၅ :၃၀) နာရီအချိန်တွင် ရပ်နားခဲ့ကြောင်းသိရပါသည်။
DOCA(ဧရာဝတီ)