ရှမ်းပြည်နယ်(အရှေ့ပိုင်း)၊ ကျိုင်းတုံမြို့နယ်အတွင်းရှိ ကျေးရွာအုပ်စုများတွင် မုန်လာဥ သီးနှံတစ်မျိုးဖြစ်သော မုန်လာဥဖြူကို ရေလုံလောက်စွာရရှိပါက အိမ်၊ မြေ ဥယာဉ်ခြံများ၌ တစ်နှစ် ပတ်လုံး တစ်နိုင်တစ်ပိုင် စိုက်ပျိုးလျက်ရှိကြောင်း သိရသည်။
မုန်လာဥဖြူကို စတင်စိုက်ပျိုးသည့် အောက်တိုဘာ၊ နိုဝင်ဘာလများတွင် မြေကိုထွန်ယက်၍ ဘောင်စနစ်ဖြင့်စိုက်ပျိုးကာ ဇန်နဝါရီလတွင် ထွက်ရှိကြောင်း သိရပါသည်။ စိုက်ပျိုးမှုအတွက် ထွန်ယက်ခ၊ မျိုးစေ့၊ ဓါတ်မြေဩဇာ၊ မြေဆွေး၊ စပါးခွန်၊ ပိုးသတ်ဆေး၊ အထွေထွေလုပ်အားခ အပါ
အဝင် (၁၅) သိန်းကျပ်ခန့် ကုန်ကျကြောင်း မုန်လာဥဖြူစိုက် တောင်သူကြီးများထံမှ သိရှိရပါသည်။
၂၀၂၅ ခုနှစ် ဇန်နဝါရီလတွင် ထွက်ရှိသော မုန်လာဥဖြူသည် တစ်ဧကလျှင် ဥအရေအတွက် ပေါင်း (၄၀၀၀ မှ ၅၀၀၀)ထွက်ရှိကြောင်း သိရှိရပါသည်။ ထွက်ရှိသော မုန်လာဥဖြူကို ကျိုင်းတုံမြို့မ ဈေး၊ နောင်ကွမ်းဈေး၊ နောင်နွန်းဈေးတို့၌ အရွယ်အစားပေါ်မူတည်၍ လက်ကားဈေးနှုန်း (၈၀၀-၁၀၀၀) လက်လီဈေးနှုန်းမှာ (၁၀၀၀-၁၅၀၀) ကျပ်ခန့် ပေးဝယ်ရကြောင်း သိရှိရပါသည်။ မုန်လာဥဖြူ ရောင်းရငွေမှာ (၃၀) သိန်းခန့် ရရှိ၍ တစ်ဧက အကျိုးအမြတ်မှာ သယ်ယူစရိတ်ခ နှုတ်ပြီးလျှင် (၁၅) သိန်းခန့် ဝင်ငွေရရှိကြောင်း မုန်လာဥဖြူ စိုက်ပျိုးသည့် တောင်သူကြီးများထံမှ သိရှိရပါသည်။
DOCA(ရှမ်း)