ပွင့်ဖြူမြို့နယ်ရှိ ကုန်စုံဆိုင်များတွင် အသင့်စားခေါက်ဆွဲခြောက် အမျိုးမျိုးအား ဈေးကွက်စောင့်ကြည့်စစ်ဆေး

         မကွေးတိုင်းဒေသကြီး၊ မင်းဘူးခရိုင်၊ ပွင့်ဖြူမြို့နယ်တာဝန်ခံ ဝန်ထမ်းများသည် မြို့နယ် အထွေထွေအုပ်ချုပ်ရေးဦးစီးဌာန၊ မြို့နယ်စည်ပင်သာယာရေးအဖွဲ့တို့နှင့် ပူးပေါင်း၍  (၂၈.၁.၂၀၂၅) ရက်နေ့၊ နံနက်(၀၉:၀၀)နာရီအချိန်တွင် ပွင့်ဖြူမြို့နယ်ရှိ ကုန်စုံဆိုင်များတွင် အသင့်စားခေါက်ဆွဲ‌ခြောက် အမျိုးမျိုးအားသွားရောက်၍ ဈေးကွက်စောင့်ကြည့်စစ်ဆေးခြင်းများ ဆောင်ရွက်ခဲ့ကြောင်း သိရသည်။

            ထိုသို့ဈေးကွက်စောင့်ကြည့်စစ်ဆေးရာတွင် စားသုံးသူများဘေးအန္တရာယ်ကင်းရှင်းစေရန် အတွက်ဈေးကွက်အတွင်းရောင်းချသော အသင့်စားခေါက်ဆွဲခြောက် အမျိုးမျိုးတွင် ကုန်အညွှန်းအမှတ်အသားဖော်ပြချက်များဖြစ်သော ကုန်စည်၏အမျိုးအမည်၊ အရွယ်အစား၊ အရေအတွက်နှင့် အသားတင်ပမာဏ၊ ထားသိုသိမ်းဆည်းမှုအညွှန်း၊ သုံးစွဲပုံနည်းလမ်း၊ ကျန်းမာရေးဆိုင်ရာ ဘေးထွက်ဆိုးကျိုး(သို့) ဓာတ်မတည့်ကြောင်းဖော်ပြချက်နှင့် ကြိုတင်သတိပေးချက်များ ပါဝင်မှုရှိ/မရှိတို့ကို ကွင်းဆင်းစစ်ဆေးခဲ့ရာ ဈေးကွက်အတွင်းတွင် MAMA (ကြက်သားအရသာခေါက်ဆွဲ)၊ OK (ကိုရီးယားပူစပ်အရသာမွှေကြော်ခေါက်ဆွဲ)၊ NOM NOM (မာလာရှမ်းကော)၊ OMG (ပိုမိုရှူးရှဲ လျှာမီးတောက်ခေါက်ဆွဲပြုတ်)၊ ULTRA (မီးတောက်ကြက်သားအရသာ အသင့်စားခေါက်ဆွဲပြုတ်)၊ MAMEE (ခေါက်ဆွဲ)၊ Yam Yam (ခေါက်ဆွဲ) အစရှိသည့် ခေါက်ဆွဲခြောက်အမျိုးမျိုးတို့တွင် ကုန်အညွှန်းအမှတ်အသားများ ပြည့်စုံစွာဖော်ပြထားသည်ကို စစ်ဆေးတွေ့ရှိခဲ့ကြောင်း သိရှိရပါသည်။

DOCA(မကွေး)