တနင်္သာရီတိုင်းဒေသကြီးသည် ပင်လယ်ရေလုပ်ငန်းများဖြင့် အသက်မွေးဝမ်းကျောင်း ပြုလုပ် သည့် တိုင်းဒေသကြီးဖြစ်သည့်အတွက် စီးပွားရေးကောင်းမွန်သဖြင့် ကထိန်အလှူမင်္ဂလာပွဲများကို ခြိမ့်ခြိမ့်သဲကျင်းပပြုလုပ်လေ့ရှိပြီး အလှူအတန်းများတွင် ကျွေးမွေးရန်အတွက် ဒေသမှထွက်ရှိသော ငါးခြောက်များသည် အရေးပါသော အစားအစာတစ်ခုအဖြစ် ပါဝင် လျက်ရှိပါသည်။ ထို့အပြင် အခြား ဒေသများသို့ တင်ပို့ရောင်းချနေသဖြင့် ထားဝယ်မြို့ ပေါ်ရှိ ငါးခြောက်စျေးကွက်အခြေအနေမှာ ရောင်းအားကောင်းမွန်လျက်ရှိပါသည်။ယခု ဖေဖော်ဝါရီလအတွင်း ထားဝယ်စျေးကွက်တွင် ငါးခြောက်အမျိုးအစားများစွာရှိသော်လည်း ဒေသအတွင်း စားသုံးမှုများပြားသည့် ငါးရောင်းခြောက် (ခေါ်) ဒလုံးခြောက် တစ်ပိဿာလျှင် (၃၅၀၀၀)ကျပ်၊ ငါးလက်ဝါးခြောက် (ခေါ်) စာဗျန့်ခြောက် တစ်ပိဿာလျှင် (၂၉၀၀၀)ကျပ်နှင့် ငါးအူမျှင်းခြောက် (ခေါ်) အူကြီး ခြောက်တစ်ပိဿာ လျှင် (၆၅၀၀၀)ကျပ် အသီးသီးစျေးနှုန်းများရှိကြောင်းသိရှိရပါသည်။
DOCA(တနင်္သာရီ)