ကန်စွန်းဥကို မြန်မာနိုင်ငံတွင် ဒေသအနှံအပြားတွင် စိုက်ပျိုးကြသည်။ ကန်စွန်းဥသည် အမျိုးပေါင်းများစွာရှိပြီး ကန်စွန်းဥအရောင်ပေါ်မူတည်၍ အမျိုးအစားခွဲခြားကြသည်။ ကန်စွန်းဥကို မိုးရာသီတွင် စတင်စိုက်ပျိုးကြပြီး စိုက်ပျိုးရာတွင် အညွှန့်ကိုယူ၍ စိုက်ပျိုးကြသည်။ တစ်တန်း နှင့်တစ်တန်း(၂)ပေကွာ၍ တစ်ပင်နှင့်တစ်ပင် (၁)ပေခြား စိုက်ပျိုးကြသည်။ ကန်စွန်းဥကိုစျေးကောင်း လျှင် မရင့်မီအရွယ်ရောက်ဥများကို တူးဖော်နိုင်ပြီး အကောင်းဆုံးမှာ ဥများရင့်သောအချိန်တွင် တူးဖော်နိုင်သည်။ယခုအခါ ထားဝယ်မြို့အတွင်း ကန်စွန်းဥများကို စျေးကောင်းလျက်ရှိပြီး တစ်ပိဿာ လျှင် (၆၀၀၀)ကျပ်ရှိကြောင်း သိရှိရပါသည်။
DOCA(တနင်္သာရီ)