မအူပင်မြို့နယ် ရေလဲကျေးရွာတွင် ဟင်းသီးဟင်းရွက် စိုက်ပျိုးသူများရှိ၍ ခရမ်း၇ှည်သီးနှင့် ခရမ်းကျွတ်သီး စိုက်ပျိုးကြောင်းသိရသည်၊ မအူပင်မြို့တွင် ဟင်းသီးဟင်းရွက် စိုက်ဧက ၁၄၃၆၅ ဧက စိုက်ပျိုးထားကြောင်းသိရသည်။ ရေလဲကျေးရွာတွင် စိုက်ပျိုးသော ဟင်းသီးဟင်းရွက်များမှာ တိုင်တောင်ပဲအရှည်၊ ပဲကြီး၊ ဗူးသီး၊ ဗုံလုံသီး၊ ခရမ်းသီး၊ ခရမ်းကျွတ်သီး၊ ဖူးစားပြောင်း၊ ငရုတ်သီး၊ မုန်လာဥ၊ ကော်ဖီ၊ ပဲအမျိုးမျိုး၊ နေကြာ သီးနှံတို့ စိုက်ပျိုးထားကြောင်း တွေ့ရသည်။
မျိုးအနေဖြင့် မျိုးထုတ် ၁ထုတ် ၃၅၀၀ကျပ်ဖြင့် ဆယ်လန် ၄ခွက်တွင် မျိုး၄ထုတ် စိုက်ပျိုးထားကြောင်း၊ ဆယ်လန် ၄ခွက် တွင်အပင်ရေ ၁၀၀၀၀စိုက်ပျိုးပြီး ၊ မျိုးစေ့ကို ရက်၂၀ ပျိုးထောင်ပြီး မြေချစိုက်ပျိုးကြောင်း၊ နိုဝင်ဘာလတွင်စတင်စိုက်ပျိုးပြီး ဇန်နဝါရီလတွင် စတင်ထွက်ရှိပြီး စိုက်ပျိုးထုတ်လုပ်မှု ကုန်ကျစရိတ်အနေဖြင့် သွင်းအားစု၊ လုပ်သားခ အပါအဝင် တစ်ဧကလျှင် ငွေကျပ် ၂၀၀၀၀၀ ခန့်သာ ကုန်ကျပြီး အထွက်နှုန်းအနေဖြင့် ယခု ဆယ်လန်၄ခွက်လျှင် ခရမ်းကျွတ်သီး ၁၀၀၀၀ နှင့် ခရမ်းအရှည်သီး ၁၀၀၀၀လုံး ခန့် ထွက်ရှိကြောင်း သိရသည်။
ဈေးနှုန်းအနေဖြင့် လက်ကားဈေး ခရမ်းကျွတ်သီး ၁လုံး ၅၀ကျပ်နှင့် ခရမ်းရှည်သီး ၁လုံး ငွေကျပ် ၁၀၀ ဈေးရရှိကြောင်း၊ စိုက်ပျိုးမှု အကျိုးအမြတ်အနေဖြင့် စိုက်ပျိုးသူမှ ငွေကျပ် ၁၃၀၀၀၀၀ ခန့် ရရှိကြောင်း၊ ဈေးကွက်အနေဖြင့် ဖျာပုံကုန်စိမ်းဒိုင်မှ လာရောက်အခင်းပြတ်ဝယ်ယူပြီး ၎င်းတို့မှ ရန်ကုန်သို့ တင်ပို့ကြောင်း သိရသည်။
DOCA(ဧရာဝတီ)