ကြက်သွန်နီပိုလျှံမှုရှိသော မိတ္ထီလာခရိုင်အနေဖြင့် အခြားဒေသများသို့ တင်ပို့မှုရှိရာ ယခုနောက်ပိုင်း ရန်ကုန်ဝယ်စျေးနိမ့်ခြင်းကြောင့် တင်ပို့မှုမရှိသလောက်နည်းလာပြီး တွက်ခြေကိုက်မှုရှိသော မြဝတီသို့ တင်ပို့မှုရှိကြောင်း သိရှိရပါသည်။ မြဝတီဝယ်လက်အနေဖြင့် အလတ်စ မှာယူမှုများပြီး အသေးစကိုလည်း အနည်းငယ် ဝယ်ယူမှုရှိကာ အဝယ်လိုက်သဖြင့် စျေးမြင့်လာပါသည်။ ဒေသတွင်းလက်ရှိ ကြက်သွန်နီစျေးမှာ လက္ကားစျေး တစ်ပိဿာလျှင် အလတ်စ (၈၅၀) နှင့် အသေးစ (၆၀၀) စျေးရှိပါသည်။ ယခု ရက်ပိုင်းအတွင်း မိတ္ထီလာမှ မြဝတီ သို့ တင်ပို့ရန်စီစဉ်နေပြီး မလှိုင်မှ မြဝတီသို့ တွဲကား (၂) စီး တင်ပို့ပြီးကြောင်း သိရပါသည်။ ကုန်တင်ခမှာ (၁၂) ဘီးကား (၁)စီးလျှင် (၁၆/၁၇) သိန်းကျပ်နှင့် တွဲကားတစ်စီးလျှင် (၂၇) သိန်းကျပ်ရှိကြောင်း ကြက်သွန်နီ တင်ပို့ရောင်းချနေသော ကုန်သည်များထံမှ သိရပါသည်။
DOCA(မန္တလေး)