ကွမ်းသီးမှည့်ထွက်ရှိသည့်ရာသီအစဖြစ်သည့် ၂၀၂၄ ခုနှစ်၊ နိုဝင်ဘာလတွင် ကွမ်းသီးမှည့်တစ်လုံးမှာ ကျပ် ၇၀ ဝန်းကျင်ရှိခဲ့ပြီး ယခု၂၀၂၅ ခုနှစ် ဖေဖော်ဝါရီလ ပထမအပတ်အတွင်း ကွမ်းသီးမှည့်စျေးနှုန်းမှာ တစ်လုံးလျှင် ကျပ် ၁၂၀/၁၃၀ အထိ စျေးကောင်းရရှိနေကြောင်း တနင်္သာရီတိုင်းဒေသကြီးမှ ကွမ်းသီးစိုက်တောင်သူများနှင့် ကွမ်းသီးလုပ်ငန်းရှင်များထံမှ သိရှိရပါသည်။
ကွမ်းသီးမှည့်များ စျေးကောင်းရနေခြင်းမှာ ကွမ်းသီးပင်တစ်ပင်လျှင် တစ်ရာသီ ကွမ်းသီးအလုံး ၃၀၀ ဝန်းကျင်ခန့်ထွက်ရှိလျက်ရှိသော်လည်း ကွမ်းသီးအနုထွက်ရှိသည့် အချိန်တွင် ကွမ်းသီးအနုများ စျေးကောင်းရရှိသောကြောင့် တောင်သူအများစုမှာ ဆွတ်ခူးရောင်းချသဖြင့် ကွမ်းသီးအမှည့်ထွက်ရှိမှုများ ကျဆင်းနည်းပါးခြင်းနှင့် ဒေသတွင်းကွမ်းသီးပင်များကို စီးပွားဖြစ် စိုက်ပျိုးလျက်ရှိသော်လည်း နယ်မြေ/ဒေသအခြေအနေများကြောင့် အချို့သောကွမ်းခြံများမှ သွားလာဆွတ်ခူးကောက်ယူခြင်းများပြုလုပ်၍ မရခြင်းများကြောင့် တနင်္သာရီတိုင်းဒေသကြီးအတွင်း ကွမ်းသီးမှည့်များမှာ စျေးကောင်းရရှိလျက်ရှိကြောင်း သိရှိရပါသည်။
DOCA(တနင်္သာရီ)