ဇန်နဝါရီလတွင် ကုန်သွယ်ရေးပိုငွေ အမေရိကန်ဒေါ်လာ ၃ ဘီလီယံ ရရှိခဲ့သည့် ဗီယက်နမ်

          စုစုပေါင်းကုန်သွယ်ရေးဆောင်ရွက်မှုများလျှော့ကျသည့်လက္ခဏာများပြသ နေသော်လည်း ဗီယက်နမ်သည် ၂၀၂၅ ခုနှစ် ဇန်နဝါရီလတွင် ကုန်သွယ်ရေးပိုငွေ အမေရိကန်ဒေါ်လာ ၃ ဘီလီယံ ရရှိခဲ့ကြောင်း အထွေထွေစာရင်းအင်းရုံးက ဖေဖော်ဝါရီလ ၆ ရက်နေ့က ထုတ်ပြန်ခဲ့ သည့် အချက်အလက်အရ သိရပါသည်။ ဇန်နဝါရီလတွင် စုစုပေါင်းကုန်သွယ်မှုတန်ဖိုးမှာ အမေရိကန်ဒေါ်လာ ၆၃.၁၅ ဘီလီယံရှိခဲ့ပြီး လွန်ခဲ့သည့်နှစ် ဇန်နဝါရီလကထက် ၃.၅ ရာခိုင်နှုန်း ကျဆင်းခဲ့ကြောင်း သိရပါသည်။ ပြည်ပရင်းနှီးမြှုပ်နှံမှုကဏ္ဍသည် ထိုပိုငွေရရှိမှုကိုမောင်းနှင် ပေးခဲ့ပြီး ပိုငွေ အမေရိကန် ဒေါ်လာ ၄.၄၃ ဘီလီယံ ရရှိခဲ့ကာ ပြည်တွင်းလုပ်ငန်းများမှာ လိုငွေ အမေရိကန်ဒေါ်လာ ၁.၄ ဘီလီယံ ပြခဲ့ကြောင်း သိရပါသည်။ ဇန်နဝါရီလတွင် တင်ပို့မှုမှ ဝင်ငွေ အမေရိကန်ဒေါ်လာ ၃၃.၀၉ ဘီလီယံ ရရှိခဲ့ပြီး ၂၀၂၃ ဇန်နဝါရီလကထက် ၄.၃ ရာခိုင်နှုန်းကျဆင်း ခဲကာ ထုတ်ကုန်အမျိုးအစား ၇ ခု တင်ပို့မှုမှာ အမေရိကန်ဒေါ်လာ ၁ ဘီလီယံကျော် အသီသီး ရှိခဲ့ကြောင်း သိရပါသည်။ ကုန် ထုတ်လုပ်မှုနှင့် ပြုပြင်ထုတ်လုပ်မှုကဏ္ဍသည် တင်ပို့မှုကိုလွှမ်းမိုး ထားပြီး စုစုပေါင်းတင်ပို့မှုတန်ဖိုး ၏ ၈၉ ရာခိုင်နှုန်းရှိကာ စိုက်ပျိုးမွေးမြူရေးနှင့် သစ်တော ထုတ်ကုန်များက ၈ ရာခိုင်နှုန်းနှင့် ရေထွက်ကုန်များက ၂.၃ ရာခိုင်နှုန်း အသီးသီးရှိကြောင်း သိရပါသည်။ တစ်ချိန်တည်းမှာပင် ဗီယက်နမ်သည် အမေရိကန်ဒေါ်လာ ၃၀.၀၆ ဘီလီယံတန်ဖိုး တင်သွင်းခဲ့ပြီး ၂၀၂၃ ဇန်နဝါရီလ ကထက် ၂.၆ ရာခိုင်နှုန်းကျဆင်းခဲ့ကာ ကုန်ပစ္စည်းအမျိုးအစား ၃ ခုတင်သွင်းမှုမှာ အမေရိကန် ဒေါ်လာ ၁ ဘီလီယံကျော် အသီးသီးရှိခဲ့ကြောင်း သိရပါသည်။ ထိုတင်သွင်းမှုများ၏ ၉၄ ရာခိုင်နှုန်းမှာ မတည်ကုန်ပစ္စည်းများနှင့် စက်အစိတ်အပိုင်းများဖြစ်ပြီး ကျန်သည့် ၆ ရာခိုင်နှုန်းမှာ စားသုံးကုန်ပစ္စည်းများဖြစ်ကြောင်း သိရပါသည်။ ဇန်နဝါရီလတွင် အမေရိကန်သည် အမေရိကန်ဒေါ်လာ ၉.၈ ဘီလီယံဖြင့် ဗီယက်နမ်၏ အကြီးမားဆုံးတင်ပို့ရာ ဈေးကွက်ဖြစ်ပြီး တရုတ်နိုင်ငံမှာ အမေရိကန်ဒေါ်လာ ၁၁.၆ ဘီလီယံဖြင့် ဗီယက်နမ်၏ အကြီးမားဆုံးတင်သွင်းရာ ဈေးကွက် ဖြစ်ကြောင်း သိရပါသည်။ လွတ်လပ်သောကုန်သွယ်ရေး သဘောတူညီချက်များကြောင့် ဗီယက်နမ်ကုန်ပစ္စည်းများသည် များစွာသောအခွင့်အလမ်းများ ရရှိနေကြောင်း သိရပါသည်။ သို့သော် ကုန်ပစ္စည်းများသည် မူလလိုအပ်ချက်များ ပြည့်မီရန ်လိုအပ်ကြောင်း သိရပါသည်။ ဗီယက်နမ်နိုင်ငံ စက်မှုနှင့် ကုန်သွယ်ရေးဝန်ကြီးဌာနသည်လည်း လုပ်ငန်းများအား နိုင်ငံတကာ စံချိန်စံညွှန်းနှင့် စည်းမျဉ်းများနှင့်ကိုက်ညီရန်အတွက် ပံ့ပိုးမှုများနှင့် ထိမ်းကြောင်းမှု များ ပြုလုပ်သွားရန် ကတိပြုထားကြောင်း သိရပါသည်။

DOCA(ရန်ကုန်)