ပဲခူးတိုင်းဒေသကြီး ၊ စားသုံးသူရေးရာဦးစီးဌာန ၊ ဒိုက်ဦးမြို့နယ်တာဝန်ခံ ဦးမျိုးမြင့်နှင့် ဝန်ထမ်းများသည် (၁၆.၅.၂၀၂၂) ရက်နေ့ ၊ နံနက်ပိုင်းတွင် မြို့နယ်ပြန်ကြားရေးနှင့် ပြည်သူ့ဆက်ဆံရေးဦးစီးဌာနမှ ဒု-မြို့နယ်ဦးစီးမှူး ဦးစိုးမိုးအောင်၊ ဝေါမြို့မဈေးတာဝန်ခံ ဦးအောင်ကျော်ရွှေ၊ မြို့နယ် စည်ပင်သာယာရေး အဖွဲ့တို့နှင့် ပူးပေါင်းကာ ဝေါမြို့မဈေးကြီးအတွင်းရှိ လူသုံးကုန်၊ စားသောက်ကုန်နှင့် ဆေးမျိုးစုံ ရောင်းချနေသောဆိုင်များသို့သွားရောက်၍ လက်ရှိရောင်းချနေသော ဆပ်ပြာခဲများ၊ စားသုံးဆီများ ၊ Bella Plus Plaster နှင့် အခြားအမှတ်တံဆိပ်ပါ Plasterများတွင် ဆေးဝါးမှတ်ပုံတင်ရှိ /မရှိ ၊ ကုန်အညွှန်းအမှတ်အသားပြည့်စုံမှု ရှိ/မရှိ ၊ အလေးချိန်ကိုက်ညီမှုရှိ/မရှိ တို့ကို ကွင်းဆင်းစစ်ဆေးဆောင်ရွက်ပြီး ဌာနမှ လက်ရှိဆောင်ရွက်နေသည့် လုပ်ငန်းဆောင်ရွက်ချက်များ ၊ စီးပွားရေးလုပ်ငန်းရှင်များအနေဖြင့် ကုန်ညွှန်းအမှတ်အသား မပြည့်စုံသည့် ကုန်ပစ္စည်းများကို ရောင်းချခြင်း မပြုကြရန်နှင့် စားသုံးသူကာကွယ်ရေး ဥပဒေနှင့်အညီ လိုက်နာဆောင်ရွက်ကြရန် ၊ စားသုံးသူများ နစ်နာဆုံးရှုံးမှုဖြစ်စေမည့် သက်တမ်းလွန် ကုန်စည်များကို သွယ်ဝိုက်ရောင်းချခြင်းများ ရှောင်ကြဉ်ကြရန် အသိပညာပေး ဟောပြောခြင်းများဆောင်ရွက်ခဲ့ကြောင်း သိရှိရပါသည်။
DOCA(ပဲခူး)