ပဲခူးတိုင်းဒေသကြီးအစိုးရအဖွဲ့ ၊ ဝန်ကြီးချုပ်လမ်းညွှန်မှုဖြင့် ပဲခူးတိုင်းဒေသကြီးအတွင်း စိုက်ပျိုးရေး ၊ မွေးမြူရေးနှင့်ကုန်ထုတ်လုပ်မှု ဖွံ့ဖြိုးတိုးတက်ရေးလုပ်ငန်းများ အောင်မြင်အောင်ဆောင်ရွက်နိုင်ရေးအတွက် သက်ဆိုင်ရာဌာနအသီးသီးမှကျေးရွာအရောက် တွေ့ဆုံဆွေးနွေးပွဲများ ၊ ဟောပြောပွဲများကို အပတ်စဉ် ဆောင်ရွက်လျက်ရှိရာ ပဲခူးတိုင်းဒေသကြီး ၊ စားသုံးသူရေးရာဦးစီးဌာန ၊ ဒိုက်ဦးမြို့နယ် တာဝန်ခံသည် (၁၉.၅.၂၀၂၂) ရက်နေ့ ၊ နေ့လည် (၁ : ၀၀) တွင် ဒိုက်ဦးမြို့ရှိ အိမ်ခြေလေးဆယ် ကျေးရွာအုပ်စု ၊ ရွာဝိုင်းကြီးကျေးရွာ ဘုန်းတော်ကြီးကျောင်း၌ လည်းကောင်း၊ နေ့လည် ( ၃: ၀၀ ) နာရီအချိန်တွင် ဆင်စခန်းကျေးရွာအုပ်စု ၊ ဘုန်းတော်ကြီးကျောင်း ဓမ္မာရုံ၌ လည်းကောင်း ၊ မိတ်ဖက်ဌာနဆိုင်ရာများဖြစ်ကြသည့် ထွေ/အုပ်၊ လကဝ ၊ စက်မှုလယ်ယာ ၊ စိုက်ပျိုးရေး၊ တိမွေးကု၊ ဆည်မြောင်း၊ ကျေးလက်လမ်း၊ ကျေးလက်ဖွံ့၊ လဝကတို့မှ တာဝန်ရှိသူများနှင့်ပူးပေါင်း၍ ဟောပြောပွဲများ ကျင်းပပြုလုပ်ခဲ့ပါသည်။
အဆိုပါ ဟောပြောပွဲတွင် မြို့နယ် ဒုတိယအုပ်ချုပ်ရေးမှူး ဦးဝေယံကျော်မှ အဖွင့်အမှာစကားပြောကြားပြီး စက်မှုလယ်ယာဦးစီးမှူး ဦးသီဟကျော်စွာက ဌာနလုပ်ငန်းစဉ်နှင့် ကောက်စိုက်စက် ၊ ရိတ်သိမ်းစက်များ အကြောင်းကိုလည်းကောင်း၊ စားသုံးသူရေးရာဦးစီးဌာန ၊ ဒိုက်ဦးမြို့နယ် တာဝန်ခံ ဦးမျိုးမြင့်မှ စားသုံးသူကာကွယ်ရေးဆိုင်ရာ အသိပညာပေးခြင်းနှင့် စားသုံးဆီ ပိုမိုသုံးစွဲခြင်းကြောင့် ဖြစ်ပေါ်လာနိုင်သည့် ဘေးထွက်ဆိုးကျိုးများအကြောင်းကို ဟောပြောခဲ့ပြီး တက်ရောက်လာသည့် တောင်သူကြီးများ၏ သိလိုသည်များကို သက်ဆိုင်ရာဌာနများမှ ပြန်လည် ဖြေကြားခဲ့ကြောင်း သိရှိရပါသည်။
DOCA(ပဲခူး)