ဥဇဘက်ကစ္စတန်သည် ၎င်း၏ ဝန်ဆောင်မှု တင်ပို့မှုအား ယခုနှစ်တွင် အမေရိကန်ဒေါ်လာ ၈.၅ ဘီလီယံအထိ တိုးမြှင့်ရန် စီစဉ်နေကြောင်း ဥဇဘက်ကစ္စတန်သမ္မတ၏ သတင်းစာရှင်းလင်းပွဲ တွင် ဖေဖော်ဝါရီ ၇ ရက်နေ့က ထုတ်ပြန်ချက်အရသိရသည်။
ထုတ်ပြန်ချက်အရ ဥဇဘက်ကစ္စတန်ရှိ ဝန်ဆောင်မှုပမာဏသည် ၂၀၁၈ ခုနှစ်တွင် ဒေါ်လာ ၁၉ ဘီလီယံမှ ၆၅ ဘီလီယံအထိ တိုးလာခဲ့သည်။ သတင်းအချက်အလက်နည်းပညာ၊ ဘဏ္ဍာရေး ဝန်ဆောင်မှု၊ ခရီးသွားလုပ်ငန်း၊ လေကြောင်း၊ ပညာရေးနှင့် ကျန်းမာရေးစောင့်ရှောက်မှုစသည့် ကဏ္ဍများတွင် အထင်ရှားဆုံး တိုးတက်မှုအရှိန်အဟုန်ကို မြင်တွေ့ခဲ့ရသည်။
၂၀၂၅ ခုနှစ်အတွက် ရည်မှန်းထားသော ညွှန်ကိန်းများအား ချမှတ်ထားပြီး ဝန်ဆောင်မှု ပမာဏကို ဒေါ်လာ ၈၂ ဘီလီယံမှ ၁၅ ရာခိုင်နှုန်း တိုးမြှင့်ရန်၊ ပို့ကုန်ကို ဒေါ်လာ ၈.၅ ဘီလီယံအထိ မြှင့်တင်ရန်၊ ထိုကဏ္ဍတွင် လူ ၂.၅ သန်းအတွက် အလုပ်အကိုင်များ ပံ့ပိုးပေးရန် ရည်ရွယ်ထားခြင်း ဖြစ်ကြောင်း သတင်းစာရှင်းလင်းပွဲတွင် သမ္မတမှ ပြောကြားခဲ့သည်။
DOCA(ရန်ကုန်)