သီရိလင်္ကာနိုင်ငံရှိအုန်းစိုက်ပျိုးရေးအဖွဲ့သည် ၂၀၂၅ ခုနှစ်တွင် အုန်ပင်ပေါင်း ၂.၅ သန်း စိုက်ပျိုးရန်ရည်မှန်းထားကြောင်းတာဝန်ရှိသူတစ်ဦးက ဖေဖော်ဝါရီ ၉ ရက်နေ့ကပြောကြားခဲ့ သည်။ အုန်းစိုက်ပျိုးရေးဘုတ်အဖွဲ့ဥက္ကဌ Sunimal Jayakody က ဒေသဆိုင်ရာအုန်းစိုက်ပျိုးရေး အသင်းများကိုဖေဖော်ဝါရီ ၁၇ ရက်မှစတင်ကာ ပြန်လည်ဖွဲ့စည်းမည်ဖြစ်ကြောင်းပြောကြားခဲ့ သည်။ အုန်ပင် ၂.၅ သန်းစိုက်ပျိုးရန် ရည်ရွယ်ထားသည့်အနက်မှ အုန်းပင် ၁ သန်းအား သီရိလင်္ကာနိုင်ငံ၏ အဓိကအုန်းစိုက်ပျိုးရာဒေသဖြစ်သော မြောက်ပိုင်းအုန်းတြိဂံနယ်မြေတွင် စိုက်ပျိုးမည်ဖြစ်ကြောင်းသိရသည်။ သီရိလင်္ကာနိုင်ငံသည်တစ်နှစ်လျှင် အုန်းသီး ၃ ဘီလီယံခန့် ထုတ်လုပ်လေ့ရှိသော်လည်း ပြီးခဲ့သောနှစ်အနည်းငယ်အတွင်း အထွက်နှုန်းမှာ ၂.၈၅ ဘီလီယံအထိ ကျဆင်းသွားခဲ့ကြောင်း တရားဝင်စာရင်းဇယားများအရသိရသည်။ ထိုသို့ကျဆင်းသွားရခြင်းမှာ အဓိကအားဖြင့် ထိန်းသိမ်းစောင့်ရှောက်မှုနှင့်ပြုပြင်ပေးမှု၊ ရာသီဥတု ဖောက်ပြန်မှုနှင့် အမျိုးမျိုးသောပိုးမွှားများနှင့် ကူးစက်ပိုးဝင်ရောက်ခြင်းဆိုင်ရာ ကိစ္စရပ်များကြောင့်ဖြစ်ကြောင်း ဥက္ကဌ Shantha Ranathunga က အစောပိုင်းတွင်မီဒီယာများသို့ ပြောကြားခဲ့သည်။ အုန်းဆီ ထုတ်လုပ်ရန်အတွက် အုန်းစေ့နှင့်အုန်းသီး သန်း ၂၀၀ နှင့်ညီမျှသော အုန်းခွံခြောက်နှင့်အုန်းသီး ခြောက်များတင်သွင်းရန် အဆိုပြုချက်ကို သီရိလင်္ကာအစိုးရအဖွဲ့မှ မကြာသေးမီက အတည်ပြု ခဲ့သည်။
DOCA(ရန်ကုန်)