စားသုံးသူရေးရာဦးစီးဌာန၊ ဗန်းမော်ခရိုင်ဦးစီးမှူးရုံးမှ ခရိုင်ဦးစီးမှူးသည် ၂၃.၅.၂၀၂၂ ရက်နေ့တွင် ဆန်၊ ပဲ၊ ပြောင်း ရောင်းဝယ်ရေးလုပ်ငန်းရှင်များအား တွေ့ဆုံ၍ စားသုံးသူကာကွယ်ရေးသိကောင်းစရာများကို ရှင်းလင်းဆွေးနွေးခဲ့ပါသည်။
ထိုသို့ဆွေးနွေးရာတွင် ခရိုင်ဦးစီးမှူး ဦးအောင်ကျော်ဦးက စားသုံးသူကာကွယ်ရေးဥပဒေ(၂၀၁၉) တွင် အခန်း(၂၅)၊ ပုဒ်မ(၈၄)ခုပါဝင်ပြီး စီးပွားရေးလုပ်ငန်းရှင်၏တာဝန်များ၊ ကုန်စည်/ဝန်ဆောင်မှုနှင့် စပ်လျဉ်း၍အာမခံချက်ပေးခြင်း၊ ကုန်စည် သို့မဟုတ် ဝန်ဆောင်မှုအပေါ်တာဝန်ရှိမှု၊ ကုန်စည်/ဝန်ဆောင်မှု နှင့်စပ်လျဉ်း၍ အာမခံထားမှုအပေါ် စားသုံးသူတောင်းဆိုနိုင်မည့်အခွင့်အရေး၊ကုန်အညွှန်းအမှတ်အသားဖော်ပြခြင်း၊ စားသုံးသူကာကွယ်ရေးဥပဒေပြဌာန်းချက်ပါတားမြစ်ချက်များ၊ ပြစ်မှုပြစ်ဒဏ်များတို့ကို အကျယ်တဝင့်ရှင်းလင်းဆွေးနွေးခဲ့ပြီး စီးပွားရေးလုပ်ငန်းရှင်များက သိရှိလိုသည်များကို မေးမြန်းခဲ့ရာ ခရိုင်ဦးစီးမှူးက ပြန်လည်ရှင်းလင်းဖြေကြားခဲ့ပါသည်။
DOCA(ကချင်)