ရိုမေနီးယားနိုင်ငံ၏ ကုန်သွယ်မှုလိုငွေသည် ၂၀၂၄ ခုနှစ်တွင် ၁၅.၃ ရာခိုင်နှုန်းတိုးလာကာ ယူရို ၃၃.၃၉ =၃ ဘီလီယံ (အမေရိကန်ဒေါ်လာ ၃၄.၄ ဘီလီယံ) အထိရောက်ရှိခဲ့ပြီး ယမန်နှစ်ကထက်ယူရို ၄.၄ ဘီလီယံ တိုးလာကြောင်းအမျိုးသားစာရင်းအင်းသိပ္ပံ (INS) က ဖေဖော်ဝါရီ ၁၀ ရက်နေ့က ထုတ်ပြန်ခဲ့သည်။
၂၀၂၄ ခုနှစ်ဒီဇင်ဘာလတွင်နိုင်ငံသည် Free On Board (FOB) တင်ပို့မှုယူရို ၆.၅၈၁ ဘီလီယံ နှင့် ကုန်ကျစရိတ်၊ အာမခံနှင့် ကုန်စည်ပို့ဆောင်မှု (CIF) တင်သွင်းမှု ယူရို ၉.၉၁၆ ဘီလီယံအား မှတ်ပုံ တင်ခဲ့ပြီး လစဥ်လိုငွေပြမှု ယူရို ၃.၃၃၆ ဘီလီယံရှိခဲ့သည်။
၂၀၂၃ ခုနှစ်ဒီဇင်ဘာလနှင့် နှိုင်းယှဥ်ပါက ၂၀၂၄ ခုနှစ် ဒီဇင်ဘာလတွင်ပို့ကုန် ၇.၁ ရာခိုင်နှုန်း မြင့်တက်လာပြီး သွင်းကုန် ၃.၅ ရာခိုင်နှုန်း မြင့်တက်လာခဲ့သည်။ တစ်နှစ်တာလုံးအတွက် FOB တင်ပို့ မှုမှာ ယူရို ၉၂.၆၉၁ ဘီလီယံအထိ ၀.၄ ရာခိုင်နှုန်းကျဆင်းသွားခဲ့ပြီး CIF တင်သွင်းမှုမှာ ယူရို ၁၂၆.၀၈၄ ဘီလီယံအထိ ၃.၃ ရာခိုင်နှုန်းတိုးတက်ခဲ့သည်။
စက်ယန္တရားနှင့် သယ်ယူပို့ဆောင်ရေးစက်ကိရိယာများသည် ကုန်သွယ်မှုကဏ္ဍတွင် လွှမ်းမိုး ထားဆဲဖြစ်ပြီး ပို့ကုန်၏ ၄၇ ရာခိုင်နှုန်းနှင့်သွင်းကုန် ၃၆ .၄ ရာခိုင်နှုန်းရှိသည်။ အခြားထုတ်လုပ်သော ထုတ်ကုန်များသည် ပို့ကုန်၂၈.၅ ရာခိုင်နှုန်းနှင့် သွင်းကုန် ၂၈.၆ ရာခိုင်နှုန်းအထိအရေးပါသော အခန်းကဏ္ဍမှ ပါဝင်လျှက်ရှိကြောင်းသိရသည်။
DOCA(ရန်ကုန်)