ကရင်ပြည်နယ်အတွင်းရှိ အသေးစား၊ အလတ်စားလုပ်ငန်းများ ဖွံ့ဖြိုးတိုးတက်စေရေးနှင့် ပြည်တွင်းကုန်သွယ်မှုဖွံ့ဖြိုး တိုးတက်စေရေး အထောက်အကူပြုစေရန်အတွက် ၂၉-၅-၂၀၂၂ ရက်နေ့ နံနက် (၉:၀၀) နာရီအချိန်တွင် စားသုံးသူရေးရာဦးစီးဌာန၊ ကရင်ပြည်နယ်ဦးစီးမှူးရုံး၊ ပြည်နယ်ဦးစီးမှူး ဦးသန်းဦး ဦးဆောင်၍ ကရင်ပြည်နယ် ကုန်သည်များနှင့် စက်မှုလက်မှုလုပ်ငန်းရှင်များအသင်းဥက္ကဋ္ဌ၊ ဆန်စက်လုပ်ငန်းရှင်များအသင်းဥက္ကဋ္ဌ၊ ပြည်နယ် ဝဥ စိုက်ပျိုးထုတ်လုပ်တင်ပို့ရောင်းချသူများအသင်း ဒု-ဥက္ကဋ္ဌ၊ ဘားအံမြို့နယ် ဝဥ စိုက်ပျိုးထုတ်လုပ် တင်ပို့ရောင်းချသူများအသင်း ဥက္ကဋ္ဌတို့နှင့်အတူ စိုက်ပျိုးရေးနှင့်မွေးမြူရေးလုပ်ငန်းရှင်များနှင့် တွေ့ဆုံပြီး ဈေးကွက်စီးပွားရေးစနစ်နှင့်အညီ ပုဂ္ဂလိက ကဏ္ဍဖွံ့ဖြိုးတိုးတက်အောင် အားပေး မြှင့်တင်ဆောင်ရွက်ရန် ဟောပြောဆွေးနွေးခဲ့ပြီး စီးပွားရေးလုပ်ငန်းရှင်(၉)ဦးကို ပြည်နယ် စီးပွားရေးရာဝန်ကြီးနှင့် တွေ့ဆုံစေ၍ စိုက်ပျိုးရေး/မွေးမြူရေးဆိုင်ရာ ကိစ္စရပ်များအား ဆွေးနွေးခဲ့ကြပြီး မြေပြင်လုပ်ငန်းဆောင်ရွက်နိုင်မည့် ဘားအံမြို့ရှိ ပရဆေးဥယျာဉ်နှင့် စိုက်ပျိုး ရေး/ မွေးမြူရေးဇုံသို့ ကွင်းဆင်းလေ့လာခြင်းများ ဆောင်ရွက်ခဲ့ကြောင်း သတင်းရရှိပါသည်။
DOCA(ကရင်)