ဖျာပုံခရိုင် ၊ ကျိုက်လတ်မြို့နယ် ၊ စားသုံးသူရေးရာဦးစီးဌာနမှ မြို့နယ်တာဝန်ခံနှင့် ဝန်ထမ်းတို့သည် ၂၀၂၅ ခုနှစ်၊ ဖေဖော်ဝါရီလ (၁၀) ရက်နေ့တွင် ကျိုက်လတ်မြို့ရှိ အမှတ်(၁)ရပ်ကွက်၊ ကားလမ်းဘေးရှိ ဦးနှိုင်လင်း၏ အုန်းဆံကြိုးလုပ်ငန်းသို့ MSMEs လုပ်ငန်းများ ဖွံ့ဖြိုးတိုးတက်ရေး ကွင်းဆင်းစိစစ်ခဲ့ ပါသည်။
ထိုသို့ ကွင်းဆင်းစိစစ်ရာတွင် မြို့နယ်တာဝန်ခံက လုပ်ငန်းလည်ပတ်မှုအား စိစစ်ကြည့်ရာ၊ အုန်းခွံလှေတစ်စီးကို (၂၅၀၀၀)ကျပ်မှ (၃၀၀၀၀)ကျပ်ဖြင့် ဝယ်ယူရကြောင်း၊ အုန်းဆံကြိုး ထုတ်လုပ်ရန် ဆောင်ရွက်မှု့ အနေဖြင့် အုန်းခွံများအား အုတ်ရေကန်ဖြင့် (၂)ညခန့် ရေစိမ်ပြီး အမျှင်ထုတ်စက်ဖြင့် အမျှင်ထုတ်ခြင်း၊ သန့်ဇင်ခြင်း၊ သန့်ဇင်ပြီး အမျှင်များအား (၁)နာရီခန့် နေလှန်းခြင်း၊ အမျှင်များကို ဗိုင်းတောင်အဖြစ် လိမ်ပြီး ကြိုးကျစ်စက်ထဲသို့ နိုင်လွန်အပ်ချည်ရော၍ ကြိုးကျစ်ရကြောင်း၊ ရရှိလာသော အုန်းဆံကြိုးများအား (၁၅)လက်မ အရှည်အပတ် (၃၀)ခန့် အခင်းဖြစ်အောင်ပြုလုပ်ရကြောင်း သိရသည်။ အလုပ်သမား (၇)ယောက်ရှိပြီး တစ်ယောက်လျှင် တစ်နေ့လုပ်အားခ (၈၀၀၀)ကျပ် ပေးချေလျက်ရှိခြင်း၊ စက်မြင်းကောင်ရေ (၂၅)ဖြင့် လည်ပတ်နေပါသဖြင့် ဒီဇယ်(၅) ဂါလံကို (၂)ရက် လည်ပတ် ရကြောင်း နှင့် အုန်းဆံကြိုးစက်ရုံ(၁)ရက် လည်ပတ်လျှင် စုစုပေါင်း ကုန်ကျစရိတ်မှာ (၁၅၀၀၀၀) ကျပ်သိန်းခန့် ရှိပြီး ရရှိလာသော အုန်းဆံကြိုးများကို အထုံးကြီး တစ်ထုံးလျှင် (၁၀၀၀၀၀)ကျပ် ဖြင့် ရောင်းချရကြောင်း၊ မိသားစု တစ်နိုင်တစ်ပိုင်လုပ်ငန်းဖြင့် လုပ်ကိုင်လျက် ရှိကြောင်း၊ သိရှိရပါသည်။
DOCA (ဧရာဝတီ)