“ကော်ဖီအစုအဖွဲ့များနှင့် တွေ့ဆုံဆွေးနွေး”

            မန္တလေးတိုင်းဒေသကြီး၊ ပြင်ဦးလွင်မြို့တွင် မြန်မာ့ကော်ဖီကဏ္ဍဖွံ့ဖြိုးတိုးတက်ရေးအတွက် သက်ဆိုင်ရာဌာနများနှင့် မြန်မာ့ကော်ဖီအသင်းမှ ကိုယ်စားလှယ်တို့ပါဝင်သော မြန်မာ့ကော်ဖီအစုအဖွဲ့များ ဖွဲ့စည်းနိုင်ရေးအတွက် ပြင်ဦးလွင်ခရိုင် ၊ စားသုံးသူရေးရာဦးစီးဌာနမှ ဦးသက်လွင်ထူး ဦးဆောင်သောအဖွဲ့များသည် (၁၃-၅-၂၀၂၂)ရက်နေ့တွင်  ပြင်ဦးလွင်မြို့ရှိ မြန်မာနိုင်ငံကော်ဖီစိုက်ပျိုး ထုတ်လုပ်သူများအသင်းအဖွဲ့ဝင်(ပြင်ဦးလွင်ကော်ဖီအစုအဖွဲ့နာယက)ဦးရဲမြင့်၏နေအိမ်၌ပြင်ဦးလွင်၊ ကော်ဖီနည်းပညာဖွံ့ဖြိုးရေးခြံတာဝန်ခံနှင့် ကော်ဖီအစုအဖွဲ့ဝင်များအား သွားရောက်တွေ့ဆုံခဲ့ပါ သည်။ ရှေးဦးစွာ ပြင်ဦးလွင်ကော်ဖီအစုအဖွဲ့နာယကဖြစ်သူမှ ပြောကြားရာတွင် ပြင်ဦးလွင်ကော်ဖီအစုအဖွဲ့အား ၂၀၁၈-၂၀၁၉ ခုနှစ်တွင် မြန်မာနိုင်ငံကော်ဖီအသင်း (MCA)မှ အကူအညီပံ့ပိုးမှုရယူပြီး အတိုင်ပင်ခံအဖွဲ့၊ ဗဟိုအလုပ်မှုဆောင်အဖွဲ့နှင့်ဒေသတာဝန်ခံအဖွဲ့ဟူ၍ စုစုပေါင်း အစုအဖွဲ့ဝင်(၂၃)ဦးဖြင့် စတင်ဖွဲ့စည်းခဲ့ကြောင်း ၊ပြင်ဦးလွင်မြို့ရှိ ကော်ဖီနည်းပညာဖွံ့ဖြိုးရေးခြံတွင် ပြင်ဦးလွင်ကော်ဖီဉယျာဉ်တည်ထောင်နေပြီး မိမိတို့အစုအဖွဲ့မှ ပူးပေါင်းဆောင်ရွက်နေကြောင်း ၊ ၄င်းဉယျာဉ်ဖွင့်လှစ်ပြီး ဝင်ရောက်လေ့လာလိုသူ စိတ်ပါဝင်စားသူများအနေဖြင့် ကော်ဖီနှင့်ပတ်သက်သော စိုက်ပျိုးချိန် ၊ရိတ်သိမ်းချိန်မှ ထုတ်လုပ်နိုင်သည်အထိ ဗဟုသုတရရှိစေမှာဖြစ်ကြောင်း ၊ ပြင်ဦးလွင်ခရိုင် ၊ စားသုံးသူရေးရာဦးစီးဌာနမှ ဦးသက်လွင်ထူး(ဦးစီးအရာရှိ)က ပြောကြားရာတွင် မိမိတို့ဌာနအနေဖြင့်စားသုံးသူများဘေးအန္တရာယ် ကင်းရှင်းရေး ၊ ထုတ်ကုန်များလုံခြုံစိတ်ချရမှုရှိစေရေးနှင့် ပြည်တွင်းကုန်သွယ်မှုဖွံ့ဖြိုးတိုးတက်ရေး အတွက်စျေးကွက်အလားအလာရှိသော သီးနှံများအားဖော်ထုတ်ပြီး တန်ဖိုးမြှင့်ထုတ်ကုန်များထုတ် လုပ်၍ပြည်ပပို့ကုန်မြှင့်တင်ရေးအတွက်ဆောင်ရွက်လျက်ရှိကြောင်း၊ အစုအဖွဲ့၊ အသင်းအဖွဲ့များ ဖွဲ့စည်းနိုင်ရေးအတွက်လည်း သက်ဆိုင်ရာဌာနများနှင့် ပူးပေါင်းဆောင်ရွက်လျက်ရှိကြောင်း ၊ စားသုံးသူကာကွယ်ရေးဥပဒေအား ၂၀၁၉ ခုနှစ်တွင်ပြဌာန်းခဲ့ကြောင်း ၊ ၄င်းဥပဒေတွင် အခန်း(၂၅) ခန်း၊ပုဒ်မ(၈၄)ခုပါဝင်ကြောင်း၊စီးပွားရေးလုပ်ငန်းရှင်များအတွက် ကုန်ပစ္စည်းများထုတ်လုပ်ရာတွင် ကုန်အညွှန်းအမှတ်အသားဖော်ပြခြင်းနှင့် စပ်လျဉ်း၍ ကုန်စည်အမျိုးအစားအလိုက် ဥပဒေပါသတ်မှတ် ချက်များနှင့်အညီ ဖော်ပြရန်လိုအပ်ကြောင်း ၊ စားသုံးသူကာကွယ်ရေးဥပဒေပါအချက်များအား အသေးစိတ်ရှင်းလင်းပြောကြားခဲ့ပါသည် ။ တွေ့ဆုံဆွေးနွေးပွဲသို့ ကော်ဖီအစုအဖွဲ့ဝင်(၁၈)ဦး တက်ရောက်ကြောင်း သတင်းရရှိပါသည်။

DOCA(မန္တလေး)