စားသုံးသူရေးရာဦးစီးဌာန၊ ရခိုင်ပြည်နယ်၊ မောင်တောခရိုင် ၊မောင်တောမြို့နယ်တာဝန်ခံ ဦးအောင်ထွန်းမြသည် မြို့နယ်စီမံအဖွဲ့ဝင်-၁ ဗိုလ်မှူးတင်ဝင်းထွဋ် ဦးဆောင်သည့် မြို့နယ်အထွေထွေအုပ်ချုပ်ရေးဦးစီးဌာန၊ အကောက်ခွန်ဦးစီးဌာန၊ ကုန်သွယ်ရေးဦးစီးဌာန၊ ပြည်တွင်းအခွန်၊ မြန်မာနိုင်ငံရဲတပ်ဖွဲ့တို့ပါဝင်သော ဌာနဆိုင်ရာပူးပေါင်းအဖွဲ့နှင့်အတူ (၃၀-၅-၂၀၂၂)နေ့ ညနေ (၃:၀၀)နာရီအချိန်တွင် မောင်တောမြို့ပေါ်ရှိ ကုန်စုံအရောင်းဆိုင်များသို့ သွားရောက်၍ တရားမဝင် ကုန်ပစ္စည်းများ ရောင်းချမှု ရှိ/မရှိ ကွင်းဆင်းစစ်ဆေးခြင်း ဆောင်ရွက်ခဲ့ပါသည်။
ထိုသို့ကွင်းဆင်းစစ်ဆေးရာတွင် အစားအသောက်နှင့်ဆေးဝါးကွပ်ကဲရေးဦးစီးဌာနတွင် တရားဝင်မှတ်ပုံတင်ထားရှိသော ကုန်ပစ္စည်းများရောင်းချခြင်းရှိ/မရှိ စစ်ဆေးခြင်း၊ ယမကာ အရောင်းဆိုင်များတွင် ပြည်တွင်း/ပြည်ပမှ တင်သွင်းထုတ်လုပ်သော ယမကာများအား အကောက်ခွန် ပြည်တွင်းအခွန်ဦးစီးဌာနတို့တွင် အခွန်ပေးဆောင်ထားခြင်းရှိ/မရှိ စစ်ဆေးခြင်း၊ အထွေထွေအုပ်ချုပ်ရေးဦးစီးဌာနမှလည်း ယစ်မျိုးလိုင်စင်ထုတ်ပေးထားခြင်းရှိ/မရှိ စစ်ဆေးခြင်းနှင့် စားသုံးသူရေးရာဦးစီးဌာန မောင်တောမြို့နယ်တာဝန်ခံ ဦးအောင်ထွန်းမြ၊ ဒု-ဦးစီးမှူးမှ စားသုံးသူကာကွယ်ရေးဉပဒေ အရ ကုန်ပစ္စည်းများအား တင်သွင်းထုတ်လုပ်ဖြန့်ဖြူးရောင်းချသည့် စီးပွားရေးလုပ်ငန်းရှင်များအနေဖြင့် ကုန်ပစ္စည်းများပေါ်တွင် ဖော်ပြရမည့် ကုန်အညွှန်းအမှတ်အသားများနှင့် ပတ်သက်၍ လိုက်နာဆောင်ရွက်ရန်အချက်များ၊ တားမြစ်ချက်များအား အသေးစိတ်ရှင်းလင်းပြောကြားပြီး စားသုံးသူအသိပညာပေး လက်ကမ်းစာစောင်များ ဖြန့်ဝေခဲ့ကြောင်း သတင်းရရှိပါသည်။
DOCA(ရခိုင်)