စစ်ကိုင်းခရိုင် အထွေထွေအုပ်ချုပ်ရေးဦးစီးဌာနရုံးတွင် ကျင်းပသည့် “လုပ်ငန်းခွင်မပျက် လုပ်ငန်းစွမ်းဆောင်ရည်မြင့်မားရေးသင်တန်း” ကို မေလ ၁၆ရက်နေ့မှ ဇွန်လ ၃ရက်နေ့ထိ စစ်ကိုင်းခရိုင်အထွေထွေအုပ်ချုပ်ရေးဦးစီးဌာန၏ အစည်းအဝေးခန်းမ၌ ဖွင့်လှစ်ခဲ့ရာ ခရိုင်အဆင့် ဌာနဆိုင်ရာ ၁၅ ရုံးမှ ခရိုင်ဦးစီးမှူးများက မိမိတို့ဌာနနှင့်သက်ဆိုင်သည့် ဥပဒေ၊ နည်းဥပဒေများ၊ လုပ်ထုံးလုပ်နည်း၊ မူဝါဒများနှင့် လက်ရှိဆောင်ရွက်နေသည့်ကိစ္စများကို ဆွေးနွေးပို့ချခဲ့ပြီး စစ်ကိုင်းခရိုင်အထွေထွေအုပ်ချုပ်ရေးဦးစီးဌာနမှ သင်တန်းသားများ တက်ရောက်ခဲ့ပါသည်။
အဆိုပါသင်တန်း၌ စားသုံးသူရေးရာဦးစီးဌာန၊ စစ်ကိုင်းခရိုင်အနေဖြင့် မေလ ၂၇ ရက်နေ့က သင်တန်းပို့ချခဲ့ရာ စစ်ကိုင်းခရိုင် ဒု-ခရိုင်ဦးစီးမှူး ဒေါ်ခင်မြတ်မူက စားသုံးသူရေးရာဦးစီးဌာန ပေါ်ပေါက်လာပုံနှင့် လက်ရှိဆောင်ရွက်နေသောလုပ်ငန်းများအကြောင်း ရှင်းလင်းဆွေးနွေးပြီး၊ စစ်ကိုင်းခရိုင်ဦးစီးမှူး ဒေါ်သန်းသန်းတင်က စားသုံးသူကာကွယ်ရေးဥပဒေအကြောင်း သိကောင်းစရာများကို Power Point ဖြင့်ရှင်းလင်းဆွေးနွေးပို့ချခဲ့ပြီး သင်တန်းသားများက တက်တက်ကြွကြွ ပြန်လည်မေးမြန်းဆွေးနွေးခဲ့ပါသည်။ အဆိုပါသင်တန်း၌ သင်တန်းသားများအား သင်တန်း ဆန်းစစ်ချက်မေးခွန်းများ မေးမြန်းခဲ့ကြောင်း သတင်းရရှိပါသည်။
DOCA(စစ်ကိုင်း)