အစ္စရေးမိတ်ဖက်များနှင့် အားကောင်းသောပူးပေါင်းဆောင်ရွက်မှုကို ဗီယက်နမ်၏ Lao Cai ပြည်နယ်ရှာဖွေ

          ဗီယက်နမ်၏ Lao Cai ပြည်နယ်သည် အစ္စရေးစီးပွားရေးသမားများနှင့် ရင်းနှီးမြှုပ်နှံ သူများနှင့် ကြီးမားသောပူးပေါင်းဆောင်ရွက်မှုကိုရှာဖွေနေကြောင်း အထူးသဖြင့် နည်းပညာ မြင့်စိုက်ပျိုးမွေးမြူရေး၊ ကုန်သွယ်ရေးနှင့် ခရီးသွားကဏ္ဍတို့တွင် ဖြစ်ကြောင်း ပြည်နယ် ခေါင်းဆောင်က ပြောကြားခဲ့ပါသည်။ Lao Cai ပြည်နယ်ပါတီကော်မတီ၏ အတွင်းရေးမှူးနှင့် ပြည်သူ့ကော်မတီ၏ ဥက္ကဌဖြစ်သူ Trinh Xuan က ဗီယက်နမ်နိုင်ငံဆိုင်ရာ အစ္စရေးသံအမတ် ဖြစ်သူ Yaron Mayer နှင့် Lao Cai မြို့တော်တွင် ဖေဖော်ဝါရီလ ၁၉ ရက်နေ့ကကျင်းပခဲ့သည့် အစည်းအဝေး၌ အလားအလာရှိသောပူးပေါင်း‌ဆောင်ရွက်မှုများကို ဆွေးနွေးခဲ့ကြကြောင်း သိရပါသည်။ Truong က အစ္စရေးစီးပွားရေးလုပ်ငန်းများအား ထောက်ပံ့ပို့ဆောင်ရေး၊ သတ္တု ပြုပြင်ထုတ်လုပ်ခြင်း၊ ရေဆိုးထိန်းသိမ်းရေး၊ ပညာရေးနှင့်လေ့ကျင့်ရေးတို့ပါဝင်သည့် အဓိက ကဏ္ဍများတွင် ရင်းနှီးမြှုပ်နှံမှုအခွင့်အလမ်းများကို ရှာဖွေရန် ဖိတ်ခေါ်ခဲ့ကြောင်း သိရပါသည်။ သံအမတ်ကြီးကလည်း ဗီယက်နမ်တွင် လူမှုအသိုက်အဝန်းဖွံ့ဖြိုးတိုးတက်ရေး အထူးသဖြင့် ပညာရေးနှင့် အခြေခံအဆောက်အအုံတို့တွင် ပံ့ပိုး‌‌‌ပေးရန် အစ္စရေး၏ကတိကဝတ်ပြုမှုကို ထပ်မံအာမခံခဲ့ကြောင်း သိရပါသည်။ ထို့ပြင် သံအမတ်ကြီးက ခရီးသွားကဏ္ဍ၊ လုပ်သားထု လေ့ကျင့်ခြင်း၊ နည်းပညာမြင့်စိုက်ပျိုးမွေးမြူရေးတို့တွင် ပူးပေါင်းဆောင်ရွက်မှုအတွက် အခွင့် အလမ်းများကို အသားပေးပြောကြားခဲ့ပြီး အနာဂတ်တွင်လည်း ပိုမိုနက်ရှိုင်းစွာပူးပေါင်း ဆောင်ရွက်ရန်မျှော်လင့်ကြောင်းပြောကြားခဲ့ပါသည်။ လည်ပတ်မှု၏တစ်စိတ်တစ်ပိုင်းအနေ ဖြင့် သံအမတ်ကြီးသည် အစ္စရေးသံရုံးနှင့် Alma Group တို့က အမေရိကန်ဒေါ်လာ ၁၂၀၀၀ ရင်းနှီးမြှုပ်နှံခဲ့သည့် Tan Tien နှင့် Na Lac မူလတန်းကျောင်းများနှင့် Trinh Tuong မူကြို ကျောင်းတို့၏ အသစ်ပြုပြင်ဆောက်လုပ်ပြီးစီးသည့် ဖွင့်ပွဲအခမ်းအနားကို တက်ရောက်ခဲ့ ကြောင်း သိရပါသည်။ Lao Cai သည် တိုက်ဖွန်းမုန်တိုင်း Yagi ကြောင်း အဆိုးရွားဆုံးထိခိုက် ခဲ့သည့် ပြည်နယ်များထဲမှ တစ်ခုဖြစ်ပြီး အခြေခံအဆောက်အအုံပျက်စီးမှု ဆိုးရွားစွာခံစားခဲ့ရ ကြောင်း သိရပါသည်။

DOCA(ရန်ကုန်)