စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနသည် “ပြည်တွင်းကုန် သွယ်မှုဖွံဖြိုးတိုးတက်စေရန်” ဆိုသည့် မျှော်မှန်းချက်နဲ့အညီ အကောင်အထည်ဖော် ဆောင်ရွက်လျက်ရှိရာ စစ်ကိုင်းတိုင်းဒေသကြီး၊ ကန့်ဘလူခရိုင်၊ ကျွန်းလှမြို့နယ်တာဝန်ခံ ဒေါ်ဝေဝေအောင်သည် ၂၀၂၅ ခုနှစ်၊ ဖေဖော်ဝါရီလ(၂၁)ရက်နေ့ နံနက်(၀၈း၃၀) အချိန်တွင် ကျီကုန်းစံပြကျေးရွာရှိ “မိသားစု” ဆီစက် လုပ်ငန်း ရှင်နှင့် သွားရောက်တွေ့ဆုံဆွေးနွေး အသိပညာ ပေးခြင်းဆောင်ရွက်ခဲ့ပါသည်။
ထိုသို့တွေ့ဆုံဆွေးနွေးရာတွင်စားသုံးသူရေးရာဦးစီးဌာန၊ကျွန်းလှမြို့နယ်တာဝန်ခံဒေါ်ဝေဝေအောင် က ဆီသည် လူများနေ့စဉ်စားသုံးရသော စားသုံးဆီဖြစ်သည့်အတွက် ဆီများ ထုတ်လုပ် ရောင်းချခြင်းနှင့် ပတ်သက်၍ စားသုံးသူအကာအကွယ်ပေးရေး ဥပဒေ(၂၀၁၉)၊ အခန်း(၁၅) ပုဒ်မ(၂၈)အရ ကုန်စည် (သို့မဟုတ်) ဝန်ဆောင်မှုများ လုံခြုံစိတ်ချရမှုရှိစေရေး နှင့် စားသုံးသူပြည်သူများ ဘေးအန္တရာယ် ကင်းရှင်း စေရေးတို့အတွက်“မိသားစု” ဆီစက်လုပ်ငန်းမှ ဆီများကြိတ်ခွဲ ထုတ်လုပ်ရာတွင် သန့်ရှင်း သပ်ရပ်မှု ရှိ/ မရှိ ၊ အချိန်အတွယ် မှန်ကန်မှု ရှိ/ မရှိ ၊ ဆီထုတ်လုပ်မှု အဆင့်ဆင့်တွင်လည်း သန့်ရှင်းသပ်ရပ်စွာ ထုတ် လုပ်စေရေးနှင့် ကုန်အညွှန်းအမှတ်အသားများ ပြည့်စုံမှန်ကန်စွာ ထည့်သွင်း ဖေါ်ပြရန်အတွက် မိမိတို့ စာသုံးသူရေးရာဦးစီးဌာနမှ ဆောင်ရွက်ပေးလျက်ရှိပါကြောင်း၊ လုပ်ငန်းရှင်များကိုလည်း ကုန်အညွှန်း အမှတ်အသား ပြည့်စုံစွာဖော်ပြခြင်းနှင့် ပတ်သက်၍ ဌာနမှ အခမဲ့ ဆောင်ရွက်ပေးလျက်ရှိပါကြောင်း၊ စကားလက်ဆင့် ကမ်း ကူညီဆောင်ရွက်ပေးရန် နှင့် “မိသားစု” ဆီစက်မှ ထုတ်လုပ်နေသောဆီများကို မိမိတို့ကိုယ်ပိုင် အမှတ်တံဆိပ်ကပ်၍ ကုန်အညွှန်းအမှတ်အသား လျှောက်ထားရန် တိုက်တွန်းပြောကြား ခဲ့ပါသည်။
ထို့နောက် မိမိတို့ စားသုံးသူကာကွယ်ပေးရေး ဥပဒေပါ စီးပွားရေးလုပ်ငန်းရှင်များ လိုက်နာ ဆောင်ရွက် ရမည့် တာဝန်များအကြောင်း၊ စားသုံးသူများသာမက စီးပွားရေး လုပ်ငန်းရှင် များအနေဖြင့် ဌာနမှဆောင် ရွက်နေသော လုပ်ငန်းများကို သိရှိလိုပါက ရုံးဖွင့်ရက် ရုံးချိန်အတွင်း Consumer Call Center No - 1535 သို့ဆက်သွယ်မေးမြန်းနိုင်သည့်အကြောင်းများ အသိပညာပေးဆွေးနွေးခဲ့ကြပြီး ညွှန် ကြားချက် အမှတ် (၂/၂၀၁၉)ပါ အသိပညာပေး လက်ကမ်းစာစောင် ဖြန့်ဝေပေးခဲ့ကြောင်းသိရှိရပါသည်။
DOCA(စစ်ကိုင်း)