ဗီယက်နမ်မော်တော်ကားထုတ်လုပ်သူများ တင်ပို့မှုအရှိန်မြှင့်တင်ရန် ကြိုးပမ်း

          ဗီယက်နမ်နိုင်ငံမော်တော်ကားထုတ်လုပ်၊ တပ်ဆင်၊ တင်ပို့သည့်ကုမ္ပဏီများသည် ၎င်း တို့၏ပို့ကုန်ဈေးကွက်များအား တက်ကြွစွာတိုးချဲ့လျှက်ရှိကြောင်း သိရပါသည်။ Thaco Group ၏ တာဝန်ရှိသူများအဆိုအရ ၂၀၂၅ ခုနှစ်အစောပိုင်းတွင် Thaco Auto သည် Kia Frontier K2500 အစီးရေ ၁၂၀ အားအရှေ့အလယ်ပိုင်းဒေသသို့တင်ပို့ခြင်း ပါဝင်သော များစွာသောထုတ်ကုန်များကို အောင်မြင်စွာတင်ပို့ခဲ့ကြောင်း သိရပါသည်။ ထို့ပြင် Kia New Carnival ဘော်ဒီ ၄၀၀ ကို အိန္ဒိယနှင့် Peugeot Django 150cc မော်တော်ဆိုင်ကယ် ၄၅ စီးကို ကမ္ဘောဒီးယားသို့ တင်ပို့ခဲ့ကြောင်း သိရပါသည်။ ထိုထုတ်ကုန်အားလုံးကို Chu Lai ရှိ Thaco Auto စက်ရုံတွင် ထုတ်လုပ်ခဲ့ခြင်းဖြစ်ကြောင်း သိရပါသည်။ Hyundai Thanh Cong(TC Motor )သည်လည်း တင်ပို့မှုများ အရှိန်မြှင့်တင်လျှက်ရှိကြောင်း သိရပါသည်။ TC Motor ၏ ဥက္ကဌဖြစ်သူ Nguyen Anh Tuan က ၂၀၂၄ ခုနှစ်တွင် Hyundai Palisade မော်တော်ကားအစီးရေ ရာပေါင်းများစွာကို ထိုင်းနိုင်ငံသို့ အောင်မြင်စွာတင်ပို့နိုင်ခဲ့ပြီးနောက် ၂၀၂၅ ခုနှစ်တွင်လည်း များစွာသောမော်တော်ကားအမျိုးအစားများကို နိုင်ငံတကာဈေးကွက် များသို့ ဆက်လက်တင်ပို့မှုအရှိန်မြှင့်တင်ရန် စီစဉ်နေကြောင်း ပြောကြားခဲ့ပါသည်။ ဗီယက်နမ်ထုတ် ခရီးသည်တင်ကားများ ထိုင်းနိုင်ငံတွင်တည်ရှိနေခြင်းက နိုင်ငံအား အရှေ့တောင်အာရှတွင် ထိပ်တန်းမော်တော်ကားထုတ်လုပ်ရာ အချက်အချာအဖြစ်တည်ရှိမှု ကိုပြသနေကြောင်း သိရပါသည်။ တစ်ချိန်တည်းမှာပင် VinFast ကုမ္ပဏီသည် ညာမောင်း VF3 အမျိုးအစားကို အင်ဒိုနီးရှားနှင့် အခြားဈေးကွက်များတွင် စတင်ရောင်းချရန်စီစဉ်နေခြင်း နှင့်အတူ ၎င်းတို့၏လုပ်ငန်းစဉ်များကို ဆက်လက်တိုးချဲ့လျှက်ရှိကြောင်း သိရပါသည်။ ကျွမ်းကျင်သူများက မော်တော်ကားတင်ပို့မှုများသည် စီးပွားရေးလုပ်ငန်းများအတွက် အကျိုး အမြတ်ရှိရုံသာမက နိုင်ငံစီးပွားရေးတွင်လည်း သိသာစွာပူးပေါင်းပါဝင်နိုင်ကြောင်း ပြောကြား ခဲ့ပါသည်။ ထိုအချက်သည် ပြည်တွင်းမော်တော်ယာဉ်များ၏အရည်အသွေးမြင့်တက်ရန်၊ ထုတ်လုပ်မှုစရိတ်များသင့်လျှော်ကောင်းမွန်ရန်နှင့် သုံးစွဲသူများအားပိုမိုအရည်အသွေး ကောင်းမွန်သောထုတ်ကုန်များပေးစွမ်းနိုင်ရန် ကူညီပေးနိုင်မည်ဟု ကျွမ်းကျင်သူများက ဆက်လက်ပြောကြားခဲ့ပါသည်။

DOCA(ရန်ကုန်)