တောင်ကိုရီးယားနိုင်ငံတွင် ကားထုတ်လုပ်သည့် ကုမ္ပဏီ ၅ ခုမှ ကားအစီးရေ ၇၆,၀၀၀ ခန့်ကို ပြန်လည် သိမ်းဆည်းခဲ့

တောင်ကိုရီးယားရှိ ပြည်တွင်းနှင့် ပြည်ပမှ ကားထုတ်လုပ်သည့် ကုမ္ပဏီငါးခုသည် ထုတ်လုပ်မှု ချို့ယွင်းချက်ကြောင့် ကားအစီးရေ ၇၆,၀၀၀ ခန့်ကို ဆန္ဒအလျောက် ပြန်လည်သိမ်းဆည်းမည် ဖြစ်ကြောင်း သယ်ယူပို့ဆောင်ရေး ဝန်ကြီးဌာနက ဖေဖော်ဝါရီ ၁၉ ရက်နေ့တွင် ပြောကြားခဲ့သည်။ Kia ကော်ပိုရေးရှင်းသည် မှားယွင်းနေသော လေအိတ်စနစ်များအတွက် Niro လျှပ်စစ်ကား (EV) အပါအဝင် မတူညီသော မော်ဒယ်နှစ်ခု၏ ၃၅,၅၇၁ စီးကို ပြန်လည်သိမ်းဆည်းမည်ဖြစ်ကြောင်း မြေယာ၊ အခြေခံအဆောက်အအုံနှင့် သယ်ယူပို့ဆောင်ရေး ဝန်ကြီးဌာန၏အဆိအရ သိရသည်။ BMW Korea မှ 528i Sedan ကဲ့သို့သော မော်ဒယ် ၂၈ လုံး၏ အစီးရေ ၂၄,၃၇၁ စီးကို မီးလောင်မှုအန္တရာယ် ဖြစ်စေနိုင်သော cooling pump wire connector ပြဿနာများအတွက် ပြန်လည်သိမ်းဆည်းမည် ဖြစ်သည်။ Transformer နှင့် hybrid ထိန်းချုပ်မှုစနစ်တွင် ဆော့ဖ်ဝဲလ်အမှားအယွင်းများကြောင့် Renault Korea Motors မှ Arkana hybrid sport utility vehicle (SUV) အပါအဝင် မော်ဒယ်နှစ်ခု၏ ကားအစီးရေ ၈၀၅၆ စီးကို ပြန်လည်ခေါ်ယူသိမ်းဆည်းခဲ့သည်။ Tesla Korea သည် Model Y ၏ ကားအစီးရေ ၇၇၈၁ စီးအား electric power assist steering (EPAS) စနစ်၏ software Error များကို ပြုပြင်ပေးမည်ဖြစ်သည်။ Jaguar Land Rover Korea သည် touch screen ရှိဆော့ဖ်ဝဲလ် ပြသာနာကြောင့် Defender 110 P300 SUV အပါအဝင် မော်ဒယ်လေးခု၏ ကားအစီး‌ရေ ၆၀၃ စီး အပေါ်မှန်ကန်သော အရေးယူဆောင်ရွက်မှုများကို လုပ်ဆောင်မည်ဖြစ်သည်။ ယာဉ်ပိုင်ရှင်များသည် ချို့ယွင်းနေသည့် အစိတ်အပိုင်းများကို အခမဲ့ အစားထိုး ပြုပြင်ရန်အတွက် ဝန်ဆောင်မှုစင်တာများသို့ သွားရောက်နိုင်မည်ဖြစ်ကြောင်းသိရသည်။

DOCA(ရန်ကုန်)