ကမ္ဘောဒီးယားနှင့် မဒါဂတ်စကာ ဗဟိုဘဏ်တို့ ပူးပေါင်းဆောင်ရွက်ရေး နားလည်မှုစာချွန်လွှာ လက်မှတ်ရေးထိုးခဲ့

ကမ္ဘောဒီးယား အမျိုးသားဘဏ် (NBC) နှင့် မဒါဂတ်စကာ ဗဟိုဘဏ်တို့ ပူးပေါင်းဆောင်ရွက် ရေးဆိုင်ရာ နားလည်မှုစာချွန်လွှာ (MoU) ကို လက်မှတ်ရေးထိုးခဲ့ကြောင်း NBC သတင်းထုတ်ပြန် ချက်တွင် ဖော်ပြထားသည်။ သဘောတူညီချက်ကို NBC အုပ်ချုပ်ရေးမှူး Chea Serey နှင့် Madagascar ၏ ဗဟိုဘဏ် အုပ်ချုပ်ရေးမှူး Aivo Andrianarivelo တို့သည် ဖေဖော်ဝါရီ ၁၉ ရက်နေ့ က ဖနွမ်းပင်တွင် လက်မှတ်ရေးထိုးခဲ့သည်။ Serey သည် NBC ၏ လုပ်ငန်းလည်ပတ်မှုစနစ်များ အထူးသဖြင့် Bakong ငွေပေးချေမှုစနစ်အား နားလည်လိုကြောင်း ပြောကြားခဲ့သည့် Andrianarivelo အား နွေးထွေးစွာ ကြိုဆိုခဲ့ပါသည်။ Bakong စနစ်၏ ထူးခြားသော ဖွံ့ဖြိုးတိုးတက်မှုနှင့် နယ်စပ်ဖြတ် ကျော် ငွေပေးချေမှု ချိတ်ဆက်မှု ထူထောင်ခြင်းတို့သည် နိုင်ငံအများအပြားသို့ လာရောက်လည်ပတ် ပြီး စနစ်များ အကောင်အထည်ဖော်မှုနှင့် ပတ်သက်၍ အသိပညာများ စုဆောင်းရရှိစေခဲ့သည်ဟု Serey မှ ပြောကြားခဲ့ပါသည်။ Serey သည် Madagascar နှင့် အနာဂတ် နယ်စပ်ဖြတ်ကျော်ငွေပေး ချေမှုစနစ် ချိတ်ဆက်မှုများအတွက် မျှော်လင့်ချက်များကို ဖော်ပြခဲ့သည်။ Andrianarivelo က ကမ္ဘောဒီးယားစီးပွားရေးနှင့် ဘဏ်လုပ်ငန်းစနစ် ဖွံ့ဖြိုးတိုးတက်မှု အထူးသဖြင့် ငွေပေးချေမှုစနစ်နှင့် နိုင်ငံတကာ အရန်ငွေများ စုဆောင်းခြင်းကို ချီးကျူးခဲ့သည်။ စီးပွားရေးနှင့် လူမှုရေးအကျိုးအမြတ်များ ဆောင်ကြဉ်းပေးမည့် NBC နှင့် ပူးပေါင်းဆောင်ရွက်မှုအတွက် အကောင်းမြင်ကြောင်းလည်း ၎င်းက ပြောကြားခဲ့သည်။

DOCA(ရန်ကုန်)