ယူကရိန်းအရေးနှင့် ဖြစ်ပေါ်လာမည့် အမေရိကန်အကောက်ခွန်ကိစ္စများကို အဓိကထား ဆွေးနွေးရန်အတွက် ပြင်သစ်သမ္မတ Emmanuel Macron သည် အမေရိကန်ပြည်ထောင်စုသို့ သွားရောက်မည်ဖြစ်ကြောင်း ဥရောပရေးရာကိုယ်စားလှယ် Benjamin Haddad က ဖေဖော်ဝါရီ ၂၀ ရက်နေ့တွင် အတည်ပြုပြောကြားခဲ့သည်။ ပြင်သစ် ရုပ်မြင်သံကြား ချန်နယ် LCI သို့ပြောကြားချက် အရ Emmanuel Macron သည် ယူကရိန်းနှင့် ပတ်သက်၍ ယခု သီတင်းပတ်တွင် နှစ်ကြိမ် ပြောဆိုခဲ့ ပြီးဖြစ်ကြောင်းသိရသည်။ ယူကရိန်း၏အနာဂတ်ကို ယူကရိန်းသားများမပါဘဲ ဆုံးဖြတ်၍မရကြောင်း၊ ဥရောပ၏အနာဂတ်နှင့် လုံခြုံရေးကို ဥရောပသားများမပါဘဲ ညှိနှိုင်းဆုံးဖြတ်၍မရကြောင်း Macron က Trump အား အလေးပေးပြောကြားခဲ့ကြောင်းသိရသည်။ ထို့အပြင်၊ Macron သည် Trump ၏ ဥရောပထုတ်ကုန်များအပေါ်စည်းကြပ်ရန်စီစဉ်ထားသည့်အခွန်စည်းကြပ်မှုများကိုလည်းဖြေရှင်းမည်ဖြစ်ပြီး ကုန်သွယ်ရေးစစ်ပွဲ၊ အကာအကွယ်ပေးရေးဝါဒသည် မည်သူတစ်ဦးတစ်ယောက်၏ အကျိုး စီးပွားအတွက်မျှ အကျိုးမရှိကြောင်း သတိပေးခဲ့သည်။
DOCA(ရန်ကုန်)