အမေရိကန်သမ္မတ Donald Trump သည် မော်တော်ယာဥ်တင်သွင်းမှုအပေါ်အခွန် ၂၅ ရာခိုင်နှုန်းခန့် စည်းကြပ်ရန်ရည်ရွယ်ထားကြောင်း အသေးစိတ်အချက်အလက်များကို ဧပြီလ ၂ ရက် နေ့တွင် ထုတ်ပြန်သွားမည်ဖြစ်ကြောင်း ဖေဖော်ဝါရီ ၁၈ ရက်နေ့ ဖလော်ရီဒါပြည်နယ် Palm Beach ရှိ ၎င်း၏ Mar-a-Lago အိမ်ရာတွင် ပြုလုပ်သည့်သတင်းစာရှင်းလင်းပွဲတွင် ပြောကြားခဲ့သည်။ ဆေးဝါး များနှင့် ချစ်ပ်ပြားများအပေါ် စည်းကြပ်ခွန် ၂၅ ရာခိုင်နှုန်းခန့်ကို ကနဦးသတ်မှတ်မည်ဖြစ်ပြီး တစ်နှစ် အတွင်း သိသိသာသာမြင့်မားလာမည်ဖြစကြောင်း Trump က ပြောကြားခဲ့သည်။ စည်းကြပ်ခွန်များ သည် ကုမ္ပဏီများကို အမေရိကန်သို့ ပြန်လည်ဝင်ရောက်လာစေရန် တွန်းအားပေးပြီးနိုင်ငံအတွင်း စက်ရုံများတည်ထောင်ပါက အကောက်ခွန်မှာ သုံညဖြစ်မည်ဟု Trump က အခိုင်အမာပြောကြား ခဲ့သည်။ အကောက်ခွန်များ၊ အခွန်များ၊ မက်လုံးများနှင့် စပ်လျဥ်း၍ နိုင်ငံ၏ စီးပွားရေးမူဝါဒများ ကြောင့် အမေရိကန်သို့ ကော်ပိုရေးရှင်းကြီးအချို့ကပြန်လာရန် စိတ်ဝင်စားကြောင်း ၎င်းကဆက် လက်ပြောကြားခဲ့သည်။ဖေဖော်ဝါရီ ၁၀ တွင် Trump သည် အလှူမီနီယံ အခွန်အခများအတွက် ကင်းလွတ်ခွင့်နှင့်ချန်လှပ်ခြင်းများကို အဆုံးသတ်ခဲ့သည်။ ဖေဖော်ဝါရီ ၁၃ ရက်နေ့တွင်နိုင်ငံခြား ကုန်သွယ်ဖက်တစ်ဦးစီနှင့် “အပြန်အလှန်အကောက်ခွန်” သတ်မှတ်ရန် သက်ဆိုင်ရာဌာနများ အား ညွှန်ကြားစာချွန်လွှာလက်မှတ်ရေးထိုးခဲ့သည်။ အမေရိကန်အကောက်ခွန်မူဝါဒသည် ကျယ်ကျယ်ပြန့်ပြန့် ဆန့်ကျင်မှုများနှင့် ရင်ဆိုင်နေရသည်။ နိုင်ငံရေးသမားများ၊ စီးပွားရေး ခေါင်းဆောင်များနှင့် ကမ္ဘာတစ်ဝှမ်းရှိ ပညာရှင်များက အမေရိကန်အကောက်ခွန်မူဝါဒသည် စည်းမျဥ်း အခြေခံသော နိုင်ငံစုံကုန်သွယ်မှုစနစ်ကို ပြင်းထန်စွာနှောင့်ယှက်မည်၊ ကမ္ဘာ ထောက်ပံ့ရေးကွင်းဆက်များကိုထိခိုက် စေမည်၊ ကမ္ဘာ့စီးပွားရေးပြန်လည်ဦးမော့လာမှုကို နှောင့်နှေးစေကာ ပါဝင်ပတ်သက်သူအားလုံး၏ အကျိုးစီးပွားကိုထိခိုက်စေမည်ဟု ယုံကြည်ထား ကြသည်။
DOCA(ရန်ကုန်)