မကွေးတိုင်းဒေသကြီး၊ ပခုက္ကူခရိုင်၊ ပခုက္ကူမြို့၊ အမှတ်(၁)မြို့မဈေးနှင့် ပန်းခြံဈေးရှိ ကုန်စိမ်း သီးနှံဈေးကွက်တွင် စားသုံးသူတို့၏ အခြေခံစားကုန်တစ်မျိုးဖြစ်သော ဆောင်းသီးနှံမုန်လာဥ (ဖြူ)များ လည်း နေ့စဉ်ဝင်ရောက် အရောင်းအဝယ်ဖြစ်လျက်ရှိပါသည်။ ပခုက္ကူမြို့နယ်သည် သီးနှံမျိုးစုံစိုက်ပျိုးရာမှ မုန်လာဥ(ဖြူ)စိုက်ပျိုးမှုကိုလည်း တစ်နိုင်တစ်ပိုင်စိုက်ပျိုးကြရာ မြစ်ခြေ၊ ကမ္မမြို့နယ်များ၌ ပခုက္ကူကျွန်း ကျေးရွာများဖြစ်သည့် ကျွန်းဦး၊ ကျွန်းညိုကြီးကျေးရွာများတွင် အများဆုံးစိုက်ပျိုးပြီး ယခုအချိန်ဒေသ ထွက် ကုန်စိမ်းသီးနှံများလှိုင်လှိုင်ပေါ်ချိန်ဖြစ်၍ ပခုက္ကူဈေးကွက်သို့ မုန်လာဥ(ဖြူ)များ ဈေးကွက်သို့ သီးနှံ ဝင်ရောက်မှုများပြီး ဈေးကျဆင်း၍ အရောင်းအဝယ်ဖြစ်လျက်ကြောင်း သိရသည်။
ဈေးနှုန်းအနေဖြင့် ၂၀၂၅ခုနှစ်၊ ဖေဖော်ဝါရီလ(တတိယပတ်)တွင် မုန်လာဥ(ဖြူ)အကြီးအသေးနှင့် သီးနှံလတ်ဆတ်မှုပေါ်မူတည်၍ ဈေးနှုန်းမတူညီကြောင်း၊ မုန်လာဥဖြူ(ဥကြီး)တစ်ဥလျှင် ကျပ်(၂၀၀)၊ (၃)လုံးပါတစ်စည်းလျှင် ကျပ်(၅၀၀)ပေါက်ဈေးရှိပြီး ယခင်ဇန်နဝါရီလ(တတိယပတ်)တွင် မုန်လာဥ(ဖြူ) (၃)လုံးပါ တစ်စည်းလျှင် ကျပ်(၁၀၀၀)ဈေးရှိ၍ ဈေးနှုန်းနှိုင်းယှဉ်ပါက မုန်လာဥဖြူ(ဥကြီး)တစ်ဥလျှင် ကျပ်(၁၅၀)ခန့်ဈေးကျပြီး အရောင်းအဝယ်ဖြစ်ကြောင်း၊ ယခုအချိန်တွင် ဒေသတွင်းမုန်လာဥစိုက်ခင်း များမှ ဈေးကွက်သို့ဝင်ရောက်မှုများလာ၍ ဈေးနှုန်းမှာကျဆင်းရခြင်းကြောင်း သိရှိရပါသည်။
DOCA(မကွေး)