ဖျာပုံမြို့နယ် စားသုံးသူရေးရာဦးစီးဌာနမှ စစ်ဆေးရေးမှူးသည် ၂၀၂၅ခုနှစ်၊ ဖေဖော်ဝါရီလ (၂၁) ရက်နေ့တွင် ဖျာပုံမြို့ပေါ်ရှိ ဆေးဆိုင်များ သက်ဆိုင်ရာထောက်ခံချက်ဖြင့် ရောင်းချမှု ရှိ/မရှိ ကွင်းဆင်းစစ်ဆေးမှု ဆောင်ရွက်ခဲ့ကြောင်း သိရသည်။
အဆိုပါစစ်ဆေးခြင်းတွင် စစ်ဆေးရေးမှူးက ဆေးဝါးများမှ ထုတ်လုပ်ရက်စွဲနှင့် သက်တမ်းကုန်ဆုံးရက်များ စစ်ဆေး၍ သက်တမ်းလွန်ဆေးဝါးများ ရောင်းချမှုမရှိစေရန် ပြောကြားခြင်း၊ သက်ဆိုင်ရာထောက်ခံချက် ပါဝင်မှုရှိ/မရှိ စစ်ဆေးခြင်း၊ နည်းစနစ်မှန်ကန်စွာ ထားသိုသိမ်းဆည်းမှု ရှိ/မရှိ စစ်ဆေးခြင်း၊ ဈေးနှုန်းထားများ မေးမြန်းခြင်း၊ ဆေးနှင့် ဆေးဝါးရောင်းချရန် တရားဝင်မှတ်ပုံတင် ထားရှိမှုများ နှင့် ရည်ညွှန်းဈေးအတိုင်း ရောင်းချကြရန် တားမြစ်ထားသော ဆေးဝါးများအားရောင်းချမှု ရှိ/မရှိတို့ကို ကွင်းဆင်းစစ်ဆေးမှု ဆောင်ရွက် ခဲ့ကြောင်း သတင်းရရှိပါသည်။
DOCA(ဧရာဝတီ)