မြန်မာနိုင်ငံ၌ ဘဲမွေးမြူခြင်းကို ပဲခူးတိုင်းဒေသကြီး၌ အများဆုံးမွေးမြူလျှက်ရှိပြီး ဧရာဝတီတိုင်းဒေသကြီးတွင် ဒုတိယအများဆုံးနှင့် မန္တလေးတိုင်းဒေသကြီးတွင် တတိယအများဆုံး မွေးမြူလျှက်ရှိကြောင်း သိရပါသည်။
ပဲခူးတိုင်းဒေသကြီး၊ ပဲခူးခရိုင်၊ သနပ္ပင်မြို့နယ်မှ ဘဲမွေးမြူသူတစ်ဦးနှင့် တွေ့ဆုံမေးမြန်းချက်အရ ယခုနှစ်တွင် 18 kg ဘဲဥတစ်လုံးလျှင် ၁၇၉ ကျပ်ဖြင့်လည်းကောင်း၊ 19 kg ဘဲဥတစ်လုံးလျှင် ၁၈၇ ကျပ်ဖြင့်လည်းကောင်း၊ 20 kg ဘဲဥတစ်လုံးလျှင် ၁၉၅ ကျပ်ဖြင့်လည်းကောင်း၊ 21 kg ဘဲဥတစ်လုံးလျှင် ၂၀၅ ကျပ်ဖြင့်လည်းကောင်း၊ 22 kg ဘဲဥတစ်လုံးလျှင် ၂၁၅ ကျပ်ဖြင့်လည်းကောင်း၊ 23 kg ဘဲဥတစ်လုံးလျှင် ၂၂၀ ကျပ်ဖြင့်လည်းကောင်း လက်ကားဈေးအနေဖြင့် အရောင်းအဝယ်ဖြစ်လျှက်ရှိပြီး လက်လီ ဈေးကွက်၌ ၂၅၀ ကျပ်မှ ၃၀၀ ကျပ်အထိ ဘဲဥအရွယ်အစားအလိုက် ဈေးနှုန်းသတ်မှတ် ရောင်းချလျှက်ရှိကြောင်း သိရသည်။
အဆိုပါ ဘဲမွေးမြူသူ၏ ပြောကြားချက်အရ ဘဲဥမှာ တစ်နှစ်ပတ်လုံးဥပါကြောင်း၊ အစာကောင်းကောင်းကျွေးနိုင်ပါက(၃)လခွဲတွင် စဥပြီး အစာမကောင်းပါက (၇)လမှ စဥ ပါကြောင်း၊ အမွှေးအတောင်ပြင်သည့် (၅)ပတ် (၆)ပတ် ဝန်းကျင်သာ ဥ ဥနှုန်း ကျဆင်းတတ်ပါကြောင်းနှင့် လက်ရှိဈေးကွက်ဈေးနှုန်းများအရ အစာဈေးမြင့်မားသော်လည်း မိမိတို့ ဘဲမွေးမြူသူများအတွက် အကျိုးအမြတ်ရရှိလျှက်ရှိပါကြောင်း သိရှိရပါသည်။
DOCA(ပဲခူး)