ဧရာဝတီတိုင်းဒေသကြီး၊ ကြံခင်းမြို့နယ်၊ ပိုးစုကြီးအုပ်စု၊ ချင်းရွာကြီးကျေးရွာ၌ မတ်ပဲရိတ်သိမ်းမှုအခြေအနေများကို (၂၀.၂.၂၀၂၅)ရက်နေ့ နေ့လယ်(၁၃:၀၀) နာရီအချိန်တွင် စားသုံးသူရေးရာဦးစီးဌာန၊ ကြံခင်းမြို့နယ်တာဝန်ခံ ဦးကျော်နိုင်ဝင်းမှ ကွင်းဆင်းလေ့လာခြင်းကို ဆောင်ရွက်ခဲ့ပါသည်။
ထိုသိုဆောင်ရွက်ရာတွင် ပိုးစုကြီးအုပ်စု၊ ချင်းရွာကြီးကျေးရွာရှိ တောင်သူဦးသောင်းရွှေ၏ လယ်ယာရိတ်သိမ်းရာသို့ သွားရောက်၍ မတ်ပဲစိုက်ပျိုးသည့်မျိူး၊ အထွက်နှုန်း၊ ဈေးနှုန်းနှင့် လက်ရှိ ဖြစ်ပေါ်နေသော အခြေအနေတို့ကို လေ့လာခဲ့ပါသည်။ တောင်သူ၏ပြောကြားချက်အရ ၎င်းတို့၏လယ်တွင် TBL-9 မတ်ပဲမျိုးကိုစိုက်ပျိုးထားရှိပြီး တစ်ဧကကို ၁၅ တင်းမှ ၂၀ တင်းနှုန်း ခန့်ထွက်ရှိကြောင်း၊ ခြွေလှေ့စက်ငှားရမ်းခမှာ တစ်တင်းလျှင် ၇၀၀၀ ကျပ်ခန့်ပေးရကြောင်းသိရသည်။ ယခုနှစ်တွင် ရာသီ ဥတုအခြေအနေနှင့်သီးနှံဖျက်ပိုးများကြရောက်သည့်အတွက် ယခင်နှစ်ထက်မတ်ပဲအထွက်နှုန်း ၈ တင်း ခန့်လျော့နည်းကြောင်းသိရှိရပါသည်။ ယခုနှစ်သီးနှံထွက်ပေါ်ချိန်တွင် မတ်ပဲတစ်တင်းလျှင် ၉၀၀၀၀/- ကျပ်ဝန်းကျင်ဖြင့် အရောင်းအဝယ် ဖြစ်လျက်ရှိပါသည်။ စိုက်ပျိုးထုတ်လုပ်မှု ကုန်ကျစရိတ်အနေဖြင့် စိုက်ပျိုးရေးသုံးဆေးနှင့် ဓါတ်မြေဩဇာ ဈေးနှုန်းကြီး မြင့်သည့်အတွက် တစ်ဧကလျှင် ၇ သိန်းကျပ်ခန့် ကုန်ကျကြောင်း၊ အမြတ်အနေဖြင့် ၆၈၀၀၀၀/-ကျပ်ခန့် အကျိုးအမြတ်ရရှိကာ မိမိတို့ လယ်မှထွက်ရှိသော မတ်ပဲများကို ဒေသတွင်းပဲပွဲရုံများသို့တင်ပို့ ရောင်းချကြောင်း တောင်သူ၏ ပြောကြားချက်အရ သိရှိရပါသည်။
DOCA(ဧရာဝတီ)