အီသီယိုးပီးယားနိုင်ငံသည် ၂၀၃၀ ခုနှစ်တွင် ဖန်လုံအိမ်ဓာတ်ငွေ့ထုတ်လွှတ်မှု ၆၈.၈ ရာခိုင်နှုန်း လျှော့ချရန် ရည်မှန်းချက်ကြီးကြီးမားမား ချမှတ်ထားကြောင်း စီမံကိန်းနှင့် ဖွံ့ဖြိုးရေးဝန်ကြီး Fitsum Assefa က ပြောကြားခဲ့သည်။ ရာသီဥတုပြောင်းလဲခြင်းဆိုင်ရာဖြေရှင်းနည်းများနှင့်အစိမ်းရောင် ဖွံ့ဖြိုးတိုးတက်ရေးအစီအစဉ်များတွင် ပုဂ္ဂလိကကဏ္ဍ၏ အခန်းကဏ္ဍ အတိုင်ပင်ခံအစည်းအဝေးတွင် ပြောကြားရာတွင် အီသီယိုးပီးယားသည် ၎င်း၏ရာသီဥတုဒဏ်ခံနိုင်ရည်ရှိမှုမဟာဗျူဟာကို အကောင် အထည်ဖော်ရန် ကြိုးပမ်းမှုတစ်စိတ်တစ်ပိုင်းအနေဖြင့် ၂၀၃၀ ခုနှစ်တွင် ဖန်လုံအိမ်ဓာတ်ငွေ့ထုတ် လွှတ်မှုကို ၆၈.၈ ရာခိုင်နှုန်း လျှော့ချရန် ကတိပြုထားကြောင်း အီသီယိုးပီးယားအသံလွှင့်ကော်ပိုရေး ရှင်းက သောကြာနေ့တွင် သတင်းထုတ်ပြန်ခဲ့သည်။ အီသီယိုးပီးယားသည် စိုက်ပျိုးရေး၊ စွမ်းအင်၊ စက်မှုလုပ်ငန်း၊ လမ်းပန်းဆက်သွယ်ရေးနှင့် မြို့ပြဖွံ့ဖြိုးတိုးတက်ရေးအပါအဝင် အဓိကကဏ္ဍများတွင် ရာသီဥတုပြောင်းလဲမှုနှင့် လိုက်လျောညီထွေဖြစ်မှု လျော့ပါးစေရေး မဟာဗျူဟာများကိုပေါင်းစည်း ထားကြောင်း သူမက ပြောကြားခဲ့သည်။ ပါရီသဘောတူညီချက်အရ ကမ္ဘာ့ရာသီဥတုဆိုင်ရာ ကတိ ကဝတ်များနှင့်အညီ အီသီယိုးပီးယားသည် ၂၀၅၀ ခုနှစ်တွင် အသားတင်ဓာတ်ငွေ့ထုတ်လွှတ်မှုလုံးဝ ကင်းစင်ရန် ရည်မှန်းထားကြောင်း Assefa မှ အလေးပေးပြောကြားခဲ့သည်။ စိမ်းလန်းသော ပရောဂျက်များကို ငွေကြေးထောက်ပံ့ခြင်းနှင့် အကောင်အထည်ဖော်ရာတွင် တက်ကြွစွာပါဝင်ဆောင် ရွက်ရန်၊ ရေရှည်တည်တံ့သော စီးပွားရေးပုံစံများကို ကျင့်သုံးရန်နှင့် ဆန်းသစ်သောရာသီဥတုဖြေရှင်း နည်းများတွင် ရင်းနှီးမြှုပ်နှံရန် ပုဂ္ဂလိကကဏ္ဍအား ဝန်ကြီးက တိုက်တွန်းခဲ့သည်။ ရာသီဥတုဒဏ်ခံနိုင် သော အီသီယိုးပီးယားနိုင်ငံသည် အစိုးရ၊ ပုဂ္ဂလိကကဏ္ဍနှင့် ဖွံ့ဖြိုးတိုးတက်ရေး မိတ်ဖက်များအကြား ခိုင်မာသော ပူးပေါင်းဆောင်ရွက်မှု လိုအပ်ကြောင်း၊ ရေရှည်တည်တံ့သော တိုးတက်မှုကိုတွန်းအား ပေးရန်အတွက် ဤပူးပေါင်းဆောင်ရွက်မှုများကို တည်ဆောက်နိုင်ရန် မျှော်လင့်ကြောင်း Assefa က ပြောကြားခဲ့သည်။
DOCA(ရန်ကုန်)