အယ်ဂျီးရီးယားနိုင်ငံဆိုင်ရာ ဗီယက်နမ်သံရုံးသည် အယ်ဂျီးရီးယား၏ Bab Ezzouar စီးပွားရေးစင်တာနှင့် ညှိနှိုင်း၍ ဗီယက်နမ်ထုတ်ကုန်များအား အယ်ဂျီးရီးယားစားသုံးသူများကို မိတ်ဆက်သည့်အခမ်းအနားကို ဖေဖော်ဝါရီလ ၂၂ ရက်နေ့က ကျင်းပခဲ့ပါသည်။ ထိုအခမ်း အနားသို့များစွာသောလည်ပတ်သူများ အဓိကအားဖြင့် များစွာသော အယ်ဂျီးရီးယား သွင်းကုန်လုပ်ငန်းများမှ ကိုယ်စားလှယ်များ လည်ပတ်ခဲ့ကြကြောင်း သိရပါသည်။ ထိုအခမ်း အနားတွင် သံရုံး၏နှစ်စဉ်ကုန်သွယ်မှုမြှင့်တင်ရေးဆောင်ရွက်မှုတစ်စိတ်တစ်ပိုင်းအနေဖြင့် အယ်ဂျီးရီးယားစားသုံးသူများသည် ဗီယက်နမ်ကော်ဖီနှင့်ပတ်သတ်၍လေ့လာရန်၊ ကော်ဖီ ပြုပြင်ထုတ်လုပ်သည့်နည်စနစ်များနှင့်ပတ်သတ်၍ ရှင်းလင်ပြောကြားမှုများကိုနားထောင်ရန် နှင့် ထုတ်လုပ်မှုကိုလက်တွေ့စမ်းသပ်ရန် အခွင့်အလမ်းရရှိခဲ့ကြောင်း သိရပါသည်။ အယ်ဂျီး ရီးယားနိုင်ငံဆိုင်ရာ ဗီယက်နမ်သံရုံး၏ စီးပွားရေးသံတမန်ဖြစ်သူ Le Ngoc Khanh Linh က အခြားပြည်နယ်များနှင့် မြို့များသို့ ကုန်သွယ်မှုမြှင့်တင်ရေးဆောင်ရွက်မှုများအပြင် အယ်ဂျီး ရီးယားရှိ အဓိကသွင်းကုန်လုပ်ငန်းရှင်များနှင့် လုပ်ငန်းအသင်းများအားအဓိကထား ချည်းကပ် မှုဆောင်ရွက်ရန် စီစဉ်ထားကြောင်း ပြောကြားခဲ့ပါသည်။ ပြည်တွင်းစီးပွားရေးလုပ်ငန်းများမှ ကိုယ်စားလှယ်များသည်လည်း ဗီယက်နမ်ထုတ်ကုန်များနှင့်ပတ်သတ်၍ ပိုမိုလေ့လာရန်နှင့် အပြန်အလှန်ကုန်သွယ်မှုအားကောင်းရန် ထိုအခမ်းအနားနှင့် တူညီသောအခမ်းအနားများ ထပ်မံတက်ရောက်ရန်ဆန္ဒရှိကြကြောင်း သိရပါသည်။ အယ်ဂျီးရီးယားနိုင်ငံသည် ကော်ဖီ၊ လက်ဖက်၊ ငရုတ်ကောင်း၊ သီဟိုဠ်စေ့များနှင့် Pangasius ငါးအသားပြားများ အစရှိသည့် များစွာသောဗီယက်နမ်၏အဓိကပို့ကုန်များအတွက် ကြီးမားပြီးအာမခံချက်ရှိသောဈေးကွက် ဟု ယူဆရကြောင်း သိရပါသည်။
DOCA(ရန်ကုန်)