စားသုံးသူရေးရာဦးစီးဌာန၊ မြိတ်ခရိုင်ဦးစီးမှူးရုံးသည် ၂၀၂၅ခုနှစ်၊ ဖေဖော်ဝါရီလ (၂၅)ရက်နေ့၊ နံနက်(၁၀း၃၀)နာရီအချိန်တွင် စားသုံးသူများ ဘေးအန္တရာယ်ကင်းရှင်းစေရေးနှင့် စားသုံးသူကာကွယ်ရေးလုပ်ငန်းများခိုင်မာတိုးတက်စေရေးနှင့် ဘေးဥပဒ်အန္တရာယ်ကင်းရှင်း စွာဝယ်ယူစားသုံးနိုင်စေရန်တို့အတွက် အွန်လိုင်းစနစ်ဖြင့်ရောင်းချခြင်း(Online Sale)လုပ်ငန်း များ မှတ်ပုံတင်လျှောက်ထားခြင်းနှင့် ပတ်သက်သည့်အကြောင်းအရာများကို မြိတ်မြို့၊ ကမ်းနားလမ်း၊ ဆိပ်ငယ်ရပ်ရှိ စားသုံးသူရေးရာဦးစီးဌာနတွင် ကုန်စုံဆိုင်လုပ်ငန်းရှင်များနှင့် တွေ့ဆုံပြီး အသိပညာပေးခြင်းများဆောင်ရွက်ခဲ့ကြောင်း သိရှိရပါသည်။
တွေ့ဆုံဆွေးနွေးရာတွင် အွန်လိုင်းမှစျေးဝယ်ယူမည်ဆိုပါက သတိထားဝယ်ယူသင့်သည့် အချက်များအကြောင်း၊ အွန်လိုင်းစနစ်ဖြင့်ရောင်းချမည်ဆိုပါက မှတ်ပုံတင်လျှောက် ထားရမည့်အကြောင်း၊ မှတ်ပုံတင်ရာတွင်လိုအပ်သော အချက်အလက်များအကြောင်းနှင့် ကုန်ပစ္စည်းများတွင် ကုန်အညွှန်းအမှတ်အသားဖော်ပြရမည့်အကြောင်းပြောကြားခဲ့ပြီး လက်ကမ်းစာစောင်ဖြန့်ဝေခြင်းများ ဆောင်ရွက်ခဲ့ကြောင်း သတင်းရရှိပါသည်။
DOCA(တနင်္သာရီ)