ထားဝယ်မြို့၊ ဗျောတောဝရပ်၊ အာဇာနည်လမ်းဘေးဆိုင်များတွင် ရာသီစာဖရဲသီးများကို စတင်ရောင်းချလျက်ရှိပြီး၊ ရန်ကုန်နှင့်မန္တလေးမြို့ပေါ်ရှိ သစ်သီးပွဲရုံများမှမှာယူ၍ ပြန်လည်ရောင်း ချကြောင်း သိရသည်။ ဖရဲသီးသည် အရည်ရွှမ်းပြီးချိုသောကြောင့် သရေစာအဖြစ်လည်းကောင်း၊ အဖျော်ရည်ဆိုင်များမှလည်း ဖရဲသီးဖျော်ရည်ပြုလုပ်၍လည်းကောင်း၊ ဖရဲသီးကိုစိပ်၍သော်လည်း ကောင်းရောင်းချလျက်ရှိရာ ဝယ်ယူစားသုံးသူများ များပြားလျက်ရှိကြောင်းသိရသည်။
ဖရဲသီးအသေးတစ်လုံးလျှင် (၅၀၀၀) ကျပ်၊ အကြီးတစ်လုံးလျှင် (၆၀၀၀) ကျပ်ဖြင့် ရောင်းချကြောင်း၊ လူကြီးလူငယ်မရွေးကြိုက် နှစ်သက်သောကြောင့် ရောင်းအားကောင်းကြောင်း ရောင်းချလျက်ရှိသောဖရဲသီးဆိုင်မှ သိရှိရပါသည်။
DOCA(တနင်္သာရီ)