မြန်မာနိုင်ငံသည် လယ်ယာစိုက်ပျိုးရေးလုပ်ငန်းကို အဓိကလုပ်ကိုင်ကြသည့် နိုင်ငံဖြစ်သည် နှင့်အညီ စစ်ကိုင်းတိုင်းဒေသကြီး ၊ ကန့်ဘလူခရိုင်သည်လည်း လယ်ယာစိုက်ပျိုးရေးလုပ်ငန်းများကို အဓိကထားလုပ်ကိုင်သော ဒေသတစ်ခုဖြစ်သည်။ ကန့်ဘလူခရိုင်၏ အဓိကစိုက်ပျိုးသီးနှံတစ်ခုဖြစ် သည့် အစေ့ထုတ်ပြောင်းများလည်း စိုက်ပျိုးကြကြောင်းသိရသည်။
ကန့်ဘလူခရိုင်၌ အစေ့ထုတ်ပြောင်း စိုက်ပျိုးရာတွင် မျိုးအနေဖြင့် C.P.808 နှင့် C.P.888မျိုး တို့ကို အများဆုံးစိုက်ပျိုးကြကြောင်း၊ ယခုအခါ အစေ့ထုတ်ပြောင်းများ ဈေးကွက်အတွင်း ဝင်ရောက် မှုနည်းသော်လည်း ပုံမှန်အရောင်းအဝယ်ဖြစ်လျက်ရှိကြောင်း၊ ၂၀၂၅ခုနှစ်၊ဖေဖော်ဝါရီလ စတုတ္ထပတ် အတွင်း အစေ့ထုတ်ပြောင်း(၁)တင်းလျှင် (၂၀၀၀၀)ကျပ်၊ ပြောင်းအရည်အသွေးညံ့လျှင် (၁၉၅၀၀) ကျပ်ဖြင့် အရောင်းအဝယ်ဖြစ်လျက်ရှိကြောင်း၊ ယခင်ပတ်ဈေးနှုန်းများနှင့် နှိုင်းယှဉ်ပါက ယခုပတ် တွင်အစေ့ထုတ်ပြောင်း (၁)တင်းလျှင်(၁၀၀၀)ကျပ် ကျဆင်းသွားကြောင်း၊ ဒေသတွင်းပွဲရုံလုပ်ငန်း ရှင်များထံမှ သိရှိရပါသည်။
DOCA(စစ်ကိုင်း)