စားသုံးသူရေးရာဦးစီးဌာန၊ ဟင်္သာတမြို့နယ်တာဝန်ခံသည် ( ၂၅.၂.၂၀၂၅ )ရက်နေ့၊ နံနက် (၁၀:၀၀)နာရီအချိန်တွင် ဟင်္သာတမြို့၊ ပခမ်းရပ်ကွက်၊ လယ်တော်အဝေးပြေးကားဝန်းအတွင်းရှိ ပဲနှမ်း လုပ်ငန်းရှင်များအသင်း အဖွဲ့ဝင် ဦးရဲလှိုင်နှင့် တွေ့ဆုံ၍ အသင်း၏လက်ရှိဆောင်ရွက်နေမှုများအား ကွင်းဆင်းဆွေးနွေးခြင်းကို ဆောင်ရွက်ခဲ့ပါသည်။
ထိုသို့ကွင်းဆင်းဆွေးနွေးရာ ဒေသတွင်း မတ်ပဲစိုက်တောင်သူများအနေဖြင့် ယခုနှစ်တွင် မတ်ပဲ အထွက်နှုန်း ကျဆင်းကြောင်း၊ ဈေးနှုန်းမှာလည်း ယခင်နှစ် ကာလတူဈေးနှုန်းဖြင့် နှိုင်းယှဉ်ပါက အနည်းငယ်ကျဆင်းလာကြောင်းသိရသည်။ ယခုနှစ် မတ်ပဲအထွက်နှုန်းကျဆင်းခြင်းမှာလည်း စတင် စိုက်ပျိုးချိန်တွင် ရာသီဥတုအခြေအနေကြောင့် အနည်းငယ် ပျက်စီးရခြင်းဖြစ်ကြောင်း၊ အထွက်နှုန်းကျ ဆင်းသော်လည်း ဈေးနှုန်းဈေးကွက် ကောင်းမွန်ရေး၊ တောင်သူများအကျိုးဖြစ်ထွန်းရေးကို အသင်းမှ ချိတ်ဆက်ဆောင်ရွက်သွားမည်ဖြစ်ကြောင်း၊ လာမည့်နှစ်များတွင်လည်း ဟင်္သာတမြို့နယ် ပဲနှမ်းအသင်းအနေဖြင့် မျိုးကောင်းမျိုးသန့်ရရှိရေး၊ တစ်ဧကကုန်ကျစရိတ်သက်သာရေး၊ အထွက်နှုန်းကောင်းစေရေး၊ ဈေးကွက်ဖော်ဆောင်ရေး လုပ်ငန်းများအား ဆောင်ရွက်သွားမည်ဖြစ်ကြောင်း သိရှိရပါသည်။
DOCA(ဧရာဝတီ)