ဧရာဝတီတိုင်းဒေသကြီး၊ မအူပင်ခရိုင်၊ ဓနုဖြူပဲဈေးကွက်တွင် ပဲတီစိမ်း အရောင်းအဝယ်ဖြစ် လျက်ရှိရာ ဓနုဖြူမြို့နယ်တွင် ဆောင်းသီးနှံ ပဲတီစိမ်းသီးနှံများ စတင်၍ ဝင်ရောက် ထွက်ရှိနေပြီး ပဲပွဲရုံများမှ အရောင်းအဝယ်ဖြစ်လျက်ရှိကြောင်း၊ ပဲတီစိမ်းသီးနှံများကို ဆောင်းရာသီတွင် စိုက်ပျိုးကြပြီး ဓနုဖြူမြို့နယ်အတွင်း ကျေးရွာများတွင် ၁၂၄၁ဧက စိုက်ပျိုးပြီး ထွက်ရှိနေ၍ အရောင်းအဝယ်ဖြစ်လျက်ရှိကြောင်း၊ ဇန်နဝါရီလ ဒုတိယပတ်တွင် အရောင်းအဝယ်ဖြစ်သည့် ဈေးနှုန်းမှာ ပဲတီစိမ်းသီးနှံ တစ်တင်း လျှင် ငွေကျပ် ၁၀၀၀၀၀ နှုန်းဖြင့် တစ်လအတွင်း ရန်ကုန်သို့တင်ပို့မှု တင်း ၅၀၀ခန့် ရှိကြောင်းသိရသည်။ ၂၀၂၅ခုနှစ် ဖေဖော်ဝါရီလ စတုတ္ထပါတ် အရောင်းအဝယ်ဈေးနှုန်းမှာ ငွေကျပ် ၉၅၀၀၀ နှုန်ဖြင့် ရောင်းဝယ်နေပြီး ဇန်နဝါရီလ ဒုတိယပတ် ဖေဖော်ဝါရီလ စတုတ္တပါတ် အရောင်းအဝယ်ဖြစ်သည့် ဈေးနှုန်းများနှင့် နှိုင်းယှဉ်ပါက ပဲတီစိမ်းသီးနှံ တစ်တင်းလျှင် ငွေကျပ် ၅၀၀၀ ခန့် ဈေးနှုန်းအနည်းငယ် ကျဆင်း၍ အရောင်းအဝယ်ဖြစ်ခဲ့ကြောင်း၊ ဈေးကွက်အနေဖြင့် ဒေသတွင်းဝယ်ယူစားသုံးမှုအပြင် ရန်ကုန်မြို့ ဘုရင့်နောင်ပွဲရုံံများသို့ တင်ပို့လျက်ရှိကြောင်း ပဲအရောင်းအဝယ်လုပ်ကိုင်သူများထံမှ သိရှိရပါသည်။
DOCA(ဧရာဝတီ)