နယူးယောက်တွင်နိုင်ငံ၏ အကြီးဆုံးအီလက်ထရွန်နစ်စီးကရက် ဖြန့်ဖြူးရောင်းချသူ အချို့အား ကလေးများအတွက် ဆွဲဆောင်မှုရှိသော Vaping အရသာနှင့် ဒီဇိုင်းများ ရောင်းချခြင်းအားတားမြစ် သည့်နိုင်ငံတော်ဥပဒေကိုချိုးဖောက်သည်ဟု စွပ်စွဲကာ ကုမ္ပဏီများကို ဖေဖော်ဝါရီ ၁၃ ရက်နေ့က တရားစွဲဆိုခဲ့သည်။ Puff Bar နှင့် Elf Bar ကဲ့သို့သော အသီးအနှံများနှင့် သကြားလုံးအရသာ အီး-စီးကရက်များကို ပြည်နယ်အနှံ့ရှိဓာတ်ဆီဆိုင်များနှင့် ကုန်စုံဆိုင်များတွင် ဖြန့်ချီလျှက်ရှိသော ကြားဖြန့်ဝေသူများအား ပစ်မှတ်ထားသည့် တရားစွဲဆိုမှုကို ရှေ့နေချုပ် Letitia James က ကြေညာခဲ့ သည်။ Juul Labs ကဲ့သို့သော Vaping ထုတ်လုပ်သူများကို ပစ်မှတ်ထားခဲ့သည့် New York နှင့် အခြားသောပြည်နယ်များ၏ ယခင်တရားစွဲဆိုမှုများနှင့်ကွဲပြားကြောင်း The Associated Press မှ မှတ်ချက်ပြုခဲ့သည်။ Juul သည် ဆယ်ကျော်သက် Vaping လမ်းကြောင်းကိုလှုံ့ဆော်ပေးသည့် အတွက် ကျယ်ကျယ်ပြန့်ပြန့်အပြစ်တင်ခံခဲ့ရပြီး၊ ပါတီပွဲများနှင့် ထုတ်ကုန်လက်ဆောင်ပေးခြင်းများ အပါအဝင် ၎င်း၏ အစောပိုင်းစျေးကွက်ရှာဖွေရေး အလေ့အကျင့်များတွင် ဒါဇင်ပေါင်းများစွာသော ပြည်နယ်နှင့်ဒေသဆိုင်ရာတရားစွဲဆိုမှုများနှင့်စုံစမ်းစစ်ဆေးမှုများကို ဖြေရှင်းရန် အမေရိကန် ဒေါ်လာ ၁ ဘီလီယံကျော်ပေးချေခဲ့သည်။ ကုမ္ပဏီသည် ၂၀၁၉ ခုနှစ်တွင် သရက်သီးနှင့် mint ကဲ့သို့သော အရသာများရောင်းချခြင်းကို ရပ်တန့်ခဲ့ပြီး ဆယ်ကျော်သက်များအကြား ရေပန်းစားခြင်းမရှိတော့ ကြောင်းသိရသည်။
DOCA(ရန်ကုန်)