စားသုံးသူရေးရာဦးစီးဌာန၊ ဧရာဝတီတိုင်းဒေသကြီး၊ မအူပင်ခရိုင်၊ မအူပင်မြို့နယ်တာဝန်ခံဦးအောင်ဇော်ဦးသည် ၈.၆.၂၀၂၂ ရက်နေ့ နံနက် (၀၉:၀၀)အချိန်တွင် သုန်ကြိုင်ကျေးရွာ အုပ်ချုပ်ရေးမှူးနေအိမ်တွင် ပြည်သူ (၃၁)ဦးအား မိတ်ဖက်ဌာန ကျန်းမာရေးဦးစီးဌာန၊ ပြန်ကြားရေးနှင့် ပြည်သူဆက်ဆံရေးဦးစီးဌာနတို့နှင့်အတူ ပူးပေါင်း၍ ကျေးလက်နေပြည်သူများအား စားသုံးသူကာကွယ်ပေးရေးအသိပညာပေး ဟောပြောပွဲ ကျင်းပပြုလုပ်ခဲ့ကြပါသည်။
ဟောပြောပွဲတွင် မအူပင်မြို့နယ် တာဝန်ခံက စားသုံးသူကာကွယ်ရေးဆိုင်ရာဥပဒေများအကြောင်းနှင့် စားသုံးသူများ၏ အခွင့်အရေးနှင့် တာဝန်များအကြောင်း ဟောပြောဆွေးနွေးခဲ့ပြီး၊ စားသုံးသူများ၏ အခွင့်အရေး နစ်နာဆုံးရှုံးမှုရှိလာပါက စားသုံးသူရေးရာဦးစီးဌာန၏ Facebook, Website , DOCA Mobile App , သက်ဆိုင်ရာ တိုင်း/ပြည်နယ်အသီးသီးရှိ CICC ရုံးများသို့ ဆက်သွယ်တိုင်ကြားနိုင်ကြောင်း အသိပညာဖြန့်ဝေခဲ့ပြီး ပြည်သူများမှ သိရှိလိုသည်များ မေးမြန်းချက်ကို ပြန်လည်ဖြေကြားပြီး အသိပညာပေး လက်ကမ်းစာစောင်များ ဖြန့်ဝေခဲ့ကြောင်း သတင်းရရှိပါသည်။
DOCA(ဧရာဝတီ)