ကမ္ဘောဒီးယားနိုင်ငံသည် စိုက်ပျိုးရေး၊ စက်မှုလုပ်ငန်းနှင့် ဆိုလာစွမ်းအင်ကဏ္ဍများတွင် တရုတ်ရင်းနှီးမြှုပ်နှံသူများကို ပိုမိုလိုအပ်နေကြောင်း ကမ္ဘောဒီးယားနိုင်ငံ၊ ဖွံ့ဖြိုးတိုးတက်ရေးကောင်စီမှ ကမ္ဘောဒီးယားရင်းနှီးမြှုပ်နှံရေးဘုတ်အဖွဲ့၊ အထွေထွေအတွင်းရေးမှူး Chea Vuthy က တရုတ်နိုင်ငံ၊ အရှေ့ပိုင်း Zhejiang ပြည်နယ်မှ စီးပွားရေးကိုယ်စားလှယ်အဖွဲ့နှင့်တွေ့ဆုံစဉ် ၂၈-၂-၂၀၂၅ ရက်နေ့က အမှာစကားပြောကြားခဲ့သည်။ ကမ္ဘောဒီးယားနိုင်ငံတွင် သီဟိုဠ်စေ့ ကဏ္ဍသည် ရင်းနှီးမြှုပ်နှံမှုအတွက် အလားအလာရှိသော ကဏ္ဍတစ်ခုဖြစ်ကြောင်း သတိထားပြီး ကမ္ဘောဒီးယားနိုင်ငံသည် သီဟိုဠ်စေ့ ပြုပြင်ရေး စက်ရုံများတွင် ရင်းနှီးမြှုပ်နှံမှုအတွက် နေရာများစွာရှိနေကြောင်း Chea Vuthy ပြောကြားခဲ့ သည်။ ကမ္ဘောဒီးယားနိုင်ငံသည် ၂၀၂၄ ခုနှစ်တွင် သီဟိုဠ်စေ့ကုန်ကြမ်း စုစုပေါင်းတန်ချိန် ၈၅၀,၀၀၀ တန် ထုတ်လုပ်နိုင်ခဲ့ပြီး တန်ချိန် ၈၁၅,၀၀၀ သို့မဟုတ် ၉၅.၈ ရာခိုင်နှုန်းကို ပြုပြင်ခြင်းမပြုလုပ်ဘဲ တင်ပို့ခဲ့ကြောင်း ကမ္ဘောဒီးယားနိုင်ငံ၊ သီဟိုဠ်စေ့အသင်း (CAC) မှ ထုတ်ပြန်ထားခဲ့သည်။ သီဟိုဠ်စေ့ ကုန်ကြမ်းတင်ပို့မှုမှ နိုင်ငံတော်သည် ၂၀၂၄ ခုနှစ်တွင် အမေရိကန်ဒေါ်လာ ၁.၁၅ ဘီလီယံရရှိခဲ့ကြောင်း CAC မှ ထုတ်ပြန်ချက်အရသိရသည်။ ဆိုလာစွမ်းအင်အတွက် ဆိုလာနှင့် မော်တော်ကားဘက်ထရီများ ထုတ်လုပ်ရေးတွင် ရင်းနှီးမြှုပ်နှံလိုသည့် တရုတ်ကုမ္ပဏီများကို နိုင်ငံတော်မှ ကြိုဆိုကြောင်း Chea Vuthy မှ ထပ်မံပြောကြားခဲ့သည်။
DOCA(ရန်ကုန်)